ەرەجەسىز جەكپە-جەك الەمىندەگى ەڭ بەلدى ۇيىم – UFC-ءدىڭ بيىلعى جىلى جوسپارلانىپ وتىرعان جارىستارى وتپەي قالسا, وندا ولاردىڭ شىعىنى 750 ميلليون اقش دوللارىنان اسۋى مۇمكىن.
جىل باسىنان بەرى ايتۋلى پروموۋشەن جەتى جارىس ۇيىمداستىرىپ ۇلگەرگەردى. ودان كەيىن كۇللى الەمدى كوروناۆيرۋس ىندەتى جايلادى. «بايتال تۇرماق, اس قايعى» كەزدە كوپتەگەن مەملەكەتتە سپورتتىق سايىستار تەگىستەي توقتاتىلدى. ماسەلەن, UFC ۇيىمى 18 ساۋىردە اقش-تىڭ نيۋ-يورك قالاسىندا رەسەيلىك حابيب نۇرماگومەدوۆ پەن امەريكالىق توني فەرگيۋسون اراسىندا تيتۋلىق كەزدەسۋ وتكىزۋدى كوزدەدى. بىراق كوروناۆيرۋستەن قاۋىپتەندى مە, الدە باسقا دا سەبەپتەرى بولى ما, ايتەۋىر داعىستاننىڭ ورەنى امەريكاعا بارۋدان باس تارتتى. كەيىننەن رەسەي وكىلىن اقش-تىڭ دۇلەيى دجاستين گەتجي الماستىردى. ال UFC-ءدىڭ پرەزيدەنتى دانا ۋايت «قانداي جاعداي بولسا دا, ءدال سول بەلگىلەنگەن كۇنى ايتۋلى جارىستى ۇيىمداستىرامىن» دەپ ايتقانىنان قايتپاي وتىر.
جالپى UFC بيىلعى جىلدىڭ سوڭىنا دەيىن 42 تۋرنير ۇيىمداستىرۋدى الدىن-الا جوسپارلاپ قويعان. ولاردىڭ ESPN ارناسىمەن جاساسقان كەلىسىمشارتى بار. بىراق كوروناۆيرۋس ىندەتى ءالى دە الەمدە سەيىلمەي تۇر. ال ونداي جاعدايدا جارىستار وتكىزۋگە رۇقسات بەرىلمەيدى. ءبىر سوزبەن ايتساق, ۇستىمىزدەگى جىلى UFC-ءدىڭ شىعىنعا بەلشەسىنەن باتاتىنى انىق.