الەمدى الاڭداتقان ىندەت كەزىندە ءبىزدىڭ وبلىستا دا جۇزدەگەن ادامعا جۇمىسسىز قالۋ قاۋپى تۋىنداپ وتىر. مىنە, وسىنداي قىسىلتاياڭ كەزدە وبلىس ورتالىعىنداعى «نوۆوپەك» كومپانياسى جاڭا جۇمىس ورىندارىن اشىپ, ەلگە ەلەۋلى كومەك كورسەتۋدە.
مەملەكەت باسشىسى ايتقان ء«بىز بىرگەمىز!» ءسوزىنىڭ استارىنداعى اتان تۇيەگە جۇك بولارلىق مول ماعىنا جالپاق جۇرتتىڭ بويىنداعى سەنىمدى نىعايتا تۇسۋدە. بەكەم بىرلىككە نە جەتسىن, شىركىن! وبلىس ورتالىعىنداعى «نوۆوپەك» كومپانياسىنىڭ ءدال وسى شاقتا شارۋاسىن ىڭعايلاپ, ءوز جۇمىسشىلارىمەن قوسا جۇمىسسىز قالعاندارعا دا قايىرىمى ءتيىپ جاتۋى جىلى سوزگە ابدەن لايىقتى ءىس. كاسىپورىن ءوندىرىس كولەمىن كەڭەيتۋ ارقىلى تاعى دا 100 ادامدى جۇمىسقا الماق.
– ءوز جۇمىسشىلارىمىزدىڭ ىشىندە باسپاناسىز جۇرگەندەردى جاڭا جاتاقحانامىزعا ورنالاستىرماقشىمىز. كاسىپورىننىڭ 500 جۇمىسشىسىنا ءسال دە بولسا دەمەۋ بولارلىق ازىق-ت ۇلىك سەبەتى تابىس ەتىلدى. الداعى ۋاقىتتا جالاقىنى دا ءتاپ-ءتاۋىر كوبەيتپەكپىز, – دەيدى كومپانيانىڭ باس ديرەكتورى رۇستەم ۋسمانوۆ.
جاڭا جۇمىسقا ورنالاسقان تىگىن تسەحىنىڭ وپەراتورى الدىمەن تاجىريبەدەن وتكىزىلەدى. ءبىرىنشى ايدا وعان 60 مىڭ تەڭگە جالاقى تولەنەدى. ەكىنشى ايدا ىستەگەن جۇمىسىنا ەڭبەكاقىعا قوسىمشا 30 مىڭ تەڭگە تولەۋ قاراستىرىلعان. ءۇشىنشى ايدا ءوز تابىسىنا 15 مىڭ تەڭگە ۇستەمەلەنەدى. ودان ءارى اتقارعان جۇمىسىنا سايكەس جالاقى الادى. جالاقى مولشەرى 80 مىڭ تەڭگەدەن كەم ەمەس. مىنە, وسىلايشا ءاربىر ماماندىق بويىنشا تاپقان تابىسىنىڭ ۇستىنە ۇستەمەاقى تولەۋ كوزدەلىپ وتىر. ماسەلەن, تىگىنشىلەر العاشقى ايداعى ۇيرەنۋ كەزىندە 60 مىڭ تەڭگە ەڭبەكاقى الادى. ەكىنشى ايدان باستاپ اتقارعان جۇمىسىنا سايكەس جالاقى تولەنەدى. بۇل جەرگە ءتىپتى ماماندىعى جوق ادامدار دا قوسالقى جۇمىسشى رەتىندە جۇمىسقا ورنالاسا الادى. ەڭبەكاقىلارى دا ءتاپ-ءتاۋىر. 90 مىڭ تەڭگە شاماسىندا.
كاسىپورىن اۋماعىندا قاۋىپسىزدىك شارالارى مۇقيات قولعا الىنعان.
كوكشەتاۋ