اۋستراليانىڭ Monash University مەن مەلبۋرندەگى كورولدىك اۋرۋحاناسىنىڭ عالىمدارى ۆيرۋستىڭ كۇشەيۋىن باسەڭدەتۋگە جانە الدىن الىپ, ادامدارعا تارالۋىن شەكتەۋگە ىقپال ەتەتىن پرەپاراتتىڭ زەرتحانالىق جاعدايداعى مۇمكىندىكتەرىن انىقتادى.
يۆەرمەكتين دەپ اتالاتىن پرەپارات SARS-CoV-2 ۆيرۋستىق جۇكتەمەسىن ازايتۋعا كومەكتەسەدى. زەرتتەۋلەر بارىسىندا ۆيرۋسقا قارسى اسەرى بار يۆەرمەكتيننىڭ SARS-CoV-2 48 ساعاتقا دەيىن تەجەۋ مۇمكىندىگى انىقتالدى. عالىمدار يۆەرمەكتيننىڭ كوروناۆيرۋستى جۇقتىرعان جاسۋشالارعا اسەرىن زەرتتەپ, ونىڭ ينفەكتسيادان كەيىنگى اسەرىنە ساراپتاما جاسادى. ناتيجەسىندە كوروناۆيرۋستى جۇقتىرعان جاعدايدا پرەپاراتتى قولدانۋ مۇمكىندىگى بار دەگەن شەشىمگە كەلگەن.