اۋىلشارۋاشىلىعى وندىرىستىك كووپەراتيۆى مۇقتاج وتباسىلارعا كومەك كورسەتۋ جۇمىستارىن ءارى قاراي جالعاستىرماق, دەپ حابارلادى ەلوردا اكىمدىگىنىڭ ءباسپاسوز قىزمەتى.
ء«بىز, «ەرتىس اگرو» مۇشەلەرى, ەلىمىز ءۇشىن قيىن ۋاقىتتا قول قۋسىرىپ قاراپ وتىرا المادىق. «اتامەكەن» كاسىپكەرلەر پالاتاسى ارقىلى نۇر-سۇلتان قالاسى اكىمدىگىنە بارىپ, مۇقتاج ازاماتتارعا, اسىرەسە مۇگەدەك, كوپ بالالى وتباسىلار مەن قارت ادامدارعا كومەك كورسەتۋدى ۇسىندىق. ءبىز 32 توننا گۋمانيتارلىق كومەك جينادىق. كارتوپ, وسىمدىك مايى, جارما, كۇرىش, قانت, تۇز, بۇقتىرىلعان ەت, ءسۇت, شاي, ماكارون جانە ۇننان تۇراتىن ازىق-ت ۇلىك پاكەتىن دايىنداپ, قاجەتتى ورىنعا جىبەردىك. وڭىرلىك كاسىپكەرلەر پالاتاسى قىزمەتكەرلەرى گۋمانيتارلىق كومەك جيناۋ جانە ساقتاۋ قويماسىن تابۋعا, سونىمەن قاتار ونىمدەردى وراپ-دايىنداۋعا كومەكتەستى», - دەيدى «ەرتىس اگرو» اوك باسقارما توراعاسى ەرلان توقتۇشاقوۆ.
سونىمەن بىرگە ەرلان توقتۇشاقوۆ كوروناۆيرۋسپەن كۇرەستە الدىڭعى قاتاردا جۇمىس ىستەپ جاتقان مەديتسينا قىزمەتكەرلەرىنە العىس ءبىلدىردى. «پاۆلودار وبلىستىق كاسىپكەرلەر پالاتاسىنا, جاستار باستامالارىن دامىتۋ ورتالىعىنا, «جاس قانات» جاستار كلۋبىنا, پاۆلودارداعى «قىزىل جارتى اي» قوعامىنىڭ فيليالىنا, پاۆلودار وبلىستىق اۋىلشارۋاشىلىق باسقارماسىنا, پاۆلودار اگروونەركاسىپتىك كەشەنىنە, شارۋا قوجالىقتارى مەن ءبىزدىڭ كووپەراتيۆ قىزمەتكەرلەرىنە ازىق-ت ۇلىك پاكەتتەرىن دايىنداۋعا كومەكتەسكەندەرى ءۇشىن العىس بىلدىرەمىز. وسى ارەكەت ارقىلى ادامداردى باسقالارعا كومەكتەسەۋگە شاقىرعىمىز كەلدى. ويتكەنى قوناقجايلىلىق جانە قيىن كەزدە قول ۇشىن سوزۋ ءبىزدىڭ حالقىمىزدىڭ ەرەكشەلىگى», - دەيدى باسقارما توراعاسى.
باسقارما باسشىسى «ەرتىس اگرو» وندىرىستىك كووپەراتيۆى وسى باعىتتاعى جۇمىستاردى جالعاستىرۋدى جوسپارلاپ وتىرعانىن ايتادى. «بۇل ءۇشىن ءبىز حالىقتى قولجەتىمدى باعاداعى ازىق-ت ۇلىكپەن قامتاماسىز ەتىپ, جاڭا جۇمىس ورىندارىن قۇرۋ ماقساتىندا, وبلىستا اۋىلشارۋاشىلىق ونىمدەرىن قايتا وڭدەۋ بويىنشا پيلوتتىق جوبانى جۇزەگە اسىرۋدى جوسپارلاپ وتىرمىز», - دەيدى ە.توقتۇشاقوۆ.