ەنگىزىلگەن باقىلاۋ-شەكتەۋ شارالارى ينفەكتسيانىڭ تارالۋ قارقىنىن تومەندەتۋدە. بۇل تۋرالى باس سانيتارلىق دارىگەر ايجان ەسماعامبەتوۆا مالىمدەدى.
«بۇگىنگى كۇنى ەنگىزىلگەن باقىلاۋ-شەكتەۋ شارالارى ينفەكتسيانىڭ تارالۋ قارقىنىن تومەندەتۋدە. ماسەلەن, 27 ناۋرىزدان باستاپ نۇر-سۇلتان قالاسىنداعى جاعدايدىڭ كۇن سايىنعى ءوسىمى 5 ساۋىردە 60 جاعدايدان 0 جاعدايعا دەيىن تومەندەدى, الماتى قالاسىندا كۇن سايىنعى ءوسىم ورتاشا ەسەپپەن 15-تەن 6 جاعدايعا دەيىن وزگەرىپ وتىرادى. رەسپۋبليكا بويىنشا ىندەت جۇقتىرۋ ءوسىمى 10% شەگىندە, الايدا بىرقاتار وڭىرلەردە قاراعاندى, قىزىلوردا, تۇركىستان, اتىراۋ وبلىستارىندا 20 - دان 30% - عا دەيىن جوعارى ءوسىم بايقالادى. بۇل قوسىمشا شەكتەۋ ءىس-شارالارىن ەنگىزۋ قاجەتتىلىگىن تالاپ ەتەدى», دەدى ايجان ەسماعامبەتوۆا.