مەملەكەت باسشىسى قارۋلى كۇشتەردىڭ اۋماقتىق اسكەرلەرىن جاساقتاۋ ءۇشىن اسكەري مىندەتتىلەر ارناۋلى جيىندارعا شاقىرىلسىن دەگەن جارلىعىنا قوسىلامىن. ويتكەنى الەمدە قانداي جاعداي بولىپ جاتقانىن كەز كەلگەن سانالى ادام تۇسىنەدى دەپ ويلايمىن. سوندىقتان بۇعان تۇسىنىستىكپەن ءارى جاۋاپكەرشىلىكپەن قاراۋ كەرەك.
ونىڭ ۇستىنە بيىل «ۆولونتەر جىلى». ەل ۆولونتەرلەرى تەك ازىق-ت ۇلىك, ءدارى-دارمەك تاراتىپ قانا كومەكتەسپەي, ءتارتىپ ساقشىلارى مەن قۇقىق قورعاۋ ورگاندارىنىڭ قىزمەتكەرلەرىنە دە شامالارى كەلگەنشە قولعابىس ەتىپ ءجۇر. قازىرگى جاعدايدا ءاربىر ادام, ءاربىر جۇمىس كۇشى قىمبات. ويتكەنى قالالاردا حالىق كوپ شوعارلانعان. سول سەبەپتى حالىقتىڭ قاۋىپسىزدىگى ءۇشىن ارناۋلى جيىنعا قاتىسۋ اسكەري مىندەتتىلەردىڭ پارىزى بولماق.
ءوزىم مەتاللۋرگيا زاۋىتىنىڭ قىزمەتكەرى رەتىندە ءار زاۋىتتا دەنساۋلىققا قاتەر تونەتىنىن ايتار ەدىم. سوندىقتان ساقتىق شارالارىن ساقتانۋ ماڭىزدى. ءدال سول زاۋىتتاعىداي بۇگىن بۇكىل الەمگە دە قاۋىپ ءتونىپ تۇر. ادامزات مۇنىڭ جاۋاپكەرشىلىگىن سەزىنىپ, ساقتانعانى ابزال. مۇندايدا ازاماتتارىمىزدىڭ وتان الدىنداعى بورىشى دا ەستەن شىقپاۋى كەرەك. ال ءبىزدىڭ ەلدەگى اسكەري مىندەتتىلەردىڭ كوبى – جاستار. ءبارىمىز بىلەتىندەي, جاستاردىڭ دەنى ساۋ, مىقتى. سوندىقتان جاستارىمىز ءۇشىن الاڭداماۋعا بولادى. ماعان كەز كەلگەن ۋاقىتتا حابارلاسىپ, شاقىرسا, ويلانباي بارامىن. بۇل ىندەتتى بىرلەسىپ جەڭەرىمىز ءسوزسىز.
ميحايل بايتەرياكوۆ,
«ۋمز» اق جۇمىس ىستەۋشى جاستار كەڭەسىنىڭ توراعاسى