ءبىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاتسيالار قىزمەتىندە وتكەن بريفينگتە قوعامدى, اتا-انالار مەن مۇعالىمدەردى قاشىقتان وقىتۋدى ونلاين وقىتۋمەن شاتاستىرماۋعا شاقىردى.
ۆەدومستۆو باسشىسى قاشىقتان وقىتۋدىڭ اياسى ونلاين وقىتۋعا قاراعاندا الدەقايدا كەڭ ەكەنىن اتاپ ءوتتى.
– كوپ ادام قاشىقتان وقىتۋدى ونلاين وقىتۋمەن بىردەي دەڭگەيدە قاراستىرىپ ءجۇر. بىراق قاشىقتان وقىتۋ – ونلاي وقىتۋمەنتەڭەسە المايتىن ۇعىم. ونىڭ اياسى اناعۇرلىم كەڭ. ماسەلەن, ءبىز قاشىقتان وقىتۋدا 4 ءتۇرلى تەتىك: تەلەارنا, راديو, پوشتا مەن پلاتفورمالار ارقىلى ءبىلىم بەرۋدى قولعا الىپ وتىرمىز. ال ونلاين وقىتۋدا تەك ينتەرنەت ارقىلى تىكەلەي ەفيرگە شىعىپ ساباق وتكىزىلەدى. ال قاشىقتان وقىتۋدا ءتىپتى ەلەكتروندى پوشتا, تەلەفون قوڭىراۋى, مەسەنجەرلەر ارقىلى كەرى بايلانىس ورناتۋعا بولادى, – دەدى ا.ايماعامبەتوۆ.
ايتا كەتەيىك, ءبىز بۇعان دەيىن ەكى وقىتۋ فورماتىن شاتاستىرماۋدىڭ جەڭىل گرافيكاسىن ۇسىنعانبىز.