قىزىلوردا وبلىسىندا ينفەكتسيا جۇقتىرعاندار قاتارى تاعى 2 ادامعا كوبەيدى. بۇل تۋرالى وڭىرلىك كوممۋنيكاتسيا قىزمەتى الاڭىندا وتكەن ونلاين بريفينگتە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ حابارلادى.
-ولار قارماقشى جانە شيەلى اۋدانىنىڭ تۇرعىندارى. ەكەۋى دە ايەل ادام, ءبىرىنىڭ جاسى 32-دە, ەكىنشىسى 26 جاستا. وسىمەن وبلىستا ۆيرۋس جۇقتىرعاندار سانى 28-گە جەتتى. ولارمەن قارىم-قاتىناستا بولعان 662 ادام انىقتالىپ وتىر,– دەدى وبلىستىڭ باس دارىگەرى.
باسقارما باسشىسى بارلىق ناۋقاستىڭ دا جاعدايى قالىپتى ەكەندىگىن, جاڭادان تىركەلگەن ينفەكتسيا وشاقتارىندا سانيتارلىق-دەزينفەكتسيالىق جۇمىستار جۇرگىزىلگەنىن ايتىپ ءوتتى.