دەنساۋلىق ساقتاۋ سالاسىنىڭ ساراپشىلارى كوروناۆيرۋس ينفەكتسياسىنىڭ الدىن الۋدا بەتپەردەلەر مەن قولعاپتاردى كيۋدىڭ كوپشىلىك قاپەرگە الا بەرمەيتىن تۇستارى جەتكىلىكتى ەكەندىگىن ايتادى.
Medical Xpress ءباسپاسوز حابارلاماسىندا دەنساۋلىق ساقتاۋ سالاسى ماماندارى بەتپەردە كيگەن ادامدار قاراپايىم نۇسقاۋلارعا نازار اۋدارمايدى دەپ الاڭداۋشىلىق بىلدىرەدى.
بەتپەردەنى قولدانار الدىندا قولدى جۋ ءارى ونى دۇرىستاپ كيۋگە نازار اۋدارۋ قاجەت. بالا نەمەسە ەرەسەك بولعانىنا قاراماستان, ادامدار بەتپەردەنى قولمەن ۇستاۋعا بەيىم. ونداي جاعدايدا ۆيرۋس جۇقتىرۋ قاۋپىنىڭ جوعارى ەكەندىگىن ەسكەرتكەن ماماندار, ادام قولى بەتپەردەگە ورتا ەسەپپەن ساعاتىنا كەم دەگەندە 20 رەت تيەتىندىگىن باسشىلىققا الىپ وتىر. دارىگەرلەردىڭ ەسكەرپەسىندە ۆيرۋس جاقىن قاشىقتىقتا قول, مۇرىن, كوز جانە قۇلاقتىڭ شىرىشتى قاباتىنا ءتۇسۋ ارقىلى جۇعاتىندىعى ايتىلعان.