كۇنى كەشە كەشقۇرىمنان سوڭ نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ۇرلەمەلى وركەستر مۋزىكانتتارى مەملەكەتتىك ءانۇراندى ورىنداپ, ۇيدە وتىرعان حالىققا رۋح بەرىپ, حالىقتى ۇرلەمەلى اسپاپتىڭ سيقىرى مەن اسەم سازىنا كۋا قىلدى.
جاقىندا عانا وركەستر مەن انسامبل ونەرپازدارى بىرىگىپ, كۇمبىرلەگەن كۇيدى تۇرعىنۇي بالكوندارىنان توگىلتە ورىنداپ, ەلوردا تۇرعىندارىنا كوتەرىڭكى كوڭىل كۇي تارتۋ ەتكەن بولاتىن. ءوز ۇيلەرىنىڭ بالكوندارىنا شىعىپ, اۋلا تۇرعىندارىنىڭ كوڭىلىن ءبىر ساتكە بولسىن قۋانىشقا بولەگەنى - ونەر ادامدارىنىڭ ەلدى جىگەرلەندىرۋگە قوسقان ۇلەسى دەپ بىلەمىز.