ەپيدەميولوگيالىق جاعدايعا بايلانىستى تۇزەۋ مەكەمەلەرىندە جازاسىن وتەپ جاتقاندار دا قاۋىپسىزدىك شارالارىنا اسا قاجەتتى مەديتسينالىق بەتپەردە تىگىپ جاتىر.
قىزىلوردا قالاسىنداعى زك-169/5 مەكەمەسى جانىنداعى رگپ «ەڭبەك- قىزىلوردا» تىگىن تسەحىندا 30 ازامات وسى ىسپەن اينالىسۋدا. بۇگىنگى كۇنگە دەيىن تسەحتا قازىر قات تاۋارعا اينالىپ تۇرعان بەتپەردەنىڭ 14250 داناسى تىگىلدى.
مينيسترلىك تاپسىرماسىنا وراي قىلمىستىق اتقارۋ جۇيەسى كوميتەتى مەن «ەڭبەك» رمك باسشىلىعى قاتەرلى ىندەتتىڭ ءورشىپ كەتپەۋىنە ۇلەس قوسىپ جاتقان وسىنداي ازاماتتارعا جالاقىدان بولەك سىياقى تولەۋدى ۇيعارىپتى. كەشە تىگىن تسەحىنداعى ازاماتتارعا باسشىلىق وكىلدەرى كەلىپ, قيىن ساتتە قول ۇشىن سوزىپ, كومەك كورسەتكەندەرى ءۇشىن العىس ايتىپ, ەسەپشوتتارىنا سىياقى اۋدارىلعانىن حابارلادى.