بۇگىننەن باستاپ قىزىلوردا قالاسىندا تاكسي قىزمەتى ۋاقىتشا توقتادى. بۇل تۋرالى وبلىستىق جۇمىلدىرۋ دايىندىعى باسقارماسىنىڭ باسشىسى قايراتبەك سارسەنباەۆ حابارلادى.
-وبلىستىڭ باس سانيتارلىق دارىگەرىنىڭ 30 ناۋرىز كۇنى قابىلداعان № 4 قاۋلىسىنا وزگەرىس ەنگىزىلىپ وتىر. وسىعان سايكەس, بۇگىننەن باستاپ قىزىلوردا قالاسى اۋماعىندا تاكسي قىزمەتى توقتايدى. كولىكتەردىڭ قالادان شىعۋىنا دا تىيىم سالىنادى. ومىرلىك قاجەتتىلىكتى قامتاماسىز ەتەتىن, ازىق-ت ۇلىك, ءدارى-دارمەك تاسىمالدايتىن, جەدەل جاردەم, ءورت ءسوندىرۋ كولىكتەرىنە كەدەرگى جوق. سونىمەن قاتار, قوعامدىق كولىك 6:00-20:00 ارالىعىندا قاتىنايدى, – دەدى باسقارما باسشىسى.
اۋدان اكىمدەرى بۇل ماسەلە بويىنشا ءوز بەتىنشە شەشىم قابىلدايدى. باسقارما باسشىسى تاكسي قىزمەتىنە سالىنعان توقتام 14 كۇنگە سوزىلاتىنىن ايتىپ ءوتتى.