تۇرعىنداردىڭ قاۋىپسىزدىگىن قامتاماسىز ەتۋ, جۇقپالى ىندەتتىڭ الدىن الۋ ماقساتىندا قىزىلوردا وبلىسىنىڭ قازالى اۋدانىندا كەشە تۇننەن باستاپ 15-ساۋىرگە دەيىن كارانتيندىك رەجيم ەنگىزىلدى. اۋداننىڭ باس سانيتارلىق دارىگەرىنىڭ قاۋلىسىمەن اۋدانعا كولىكتىڭ بارلىق تۇرلەرىنىڭ كەلۋىنە جانە شىعۋىنا تىيىم سالىنادى. بۇل تۋرالى اۋدان اكىمىنىڭ ءباسپاسوز قىزمەتى حابارلادى.
قاۋلىعا سايكەس اۋدان اۋماعىنا ازىق-ت ۇلىك تاۋارلارىن, دارىلىك زاتتاردى, مەديتسينالىق بۇيىمداردى جانە باسقا دا تۇرعىنداردىڭ ءومىر سۇرۋىنە قاجەتتى تاۋارلار مەن قىزمەت تۇرلەرىن تاسىمالدايتىن, وندىرىستىك جانە اۋىل شارۋاشىلىعى كاسىپورىندارىنىڭ ۇزدىكسىز جۇمىس جاساۋىن قامتاماسىز ەتەتىن كولىكتەردەن باسقا اۆتوكولىكتەرگە كىرۋگە جانە شىعۋعا تىيىم سالىنادى.
پويىز ستانتسياسىندا دا وسىنداي شەكتەۋلەر ەنگىزىلدى. ءدىني ۇيلەر, بالاباقشالار, بازارلار (مال بازارلارى, اۆتوموبيل جانە ت.ب.), ساۋدا ۇيلەرى, ازىق-ت ۇلىك ەمەس ساۋدا ورتالىقتارىنا قىزمەت كورسەتەتىن كاسىپكەرلىك قۇرىلىمداردىڭ بارلىق تۇرلەرى, ادامدار كوپ شوعىرلاناتىن باسقا دا ورىندار جۇمىسىن توقتاتتى.
ازىق-ت ۇلىك ساۋدا ورىندارىنا, دۇكەندەرگە جۇمىسىنا كۇشەيتىلگەن سانيتارلىق-دەزينفەكتسيالىق رەجيممەن ساعات 8:00-22:00-گە دەيىن, ال ازىق-ت ۇلىك بازارلارىندا ساعات 10:00-18:00-گە دەيىن جۇمىس ىستەۋگە رۇقسات ەتىلەدى. ء دارىحانالاردىڭ جۇمىسى دا وسىنداي تالاپقا باعىنادى.
اۋداننىڭ باس سانيتارلىق دارىگەرىنىڭ قاۋلىسىندا بۇدان وزگە دە بىرقاتار قاۋىپسىزدىك شارالارى بار.