قاراعاندىلىقتار توپتىق كەزەڭدە ەندى گوللانديانىڭ از, گرەكيانىڭ پاوك جانە ءيزرايلدىڭ «ماككابي» (حايفا) كوماندالارىمەن كۇش سىناسادى.
ەسكە سالا كەتەيىك, بيىلعى ەۋروپالىق كوماندالىق تۋرنيرلەر ماۋسىمىن كەنشىلەر كلۋبى چەمپيوندار ليگاسىندا باستاعان ەدى. وندا ءۇش كەزەڭنەن وتكەن ول پلەي-وفف شايقاسىندا شوتلانديانىڭ «سەلتيك» كومانداسىمەن كەزدەستى. قارسىلاستارىن ءوز الاڭىندا 2:0 ەتىپ تىزە بۇكتىرگەن «شاحتەر» بۇرناعى كۇنى گلازگودا وتكەن قارىمتا ويىندا 0:3 ەسەبىمەن ۇتىلۋعا ءماجبۇر بولدى. وسىلايشا ەكى كەزدەسۋدىڭ قورىتىندىسى بويىنشا قارسىلاسىنا جول بەرىپ الدى.
بۇعان قوساتىنىمىز, ۋەفا ەۋروپا ليگاسىنىڭ فينالدىق ويىنى 2014 جىلدىڭ مامىر ايىندا يتاليانىڭ تۋرين قالاسىنىڭ «يۋۆەنتۋس» ستاديونىندا وتەدى.
دامير قوجامقۇل.