COVID-19 پاندەمياسىنا بايلانىستى الەۋمەتتىك-ەكونوميكالىق جاعداي كۇردەلەنگەن كەزدە پرەزيدەنت قاسىم-جومارت توقاەۆتىڭ حالىق پەن كاسىپكەرلەردىڭ قارجىلىق جاعدايىن قولداۋ ماقساتىندا جاساعان مالىمدەمەسىنىڭ ماڭىزى وتە زور.
بىرىنشىدەن, ق.توقاەۆ ۇكىمەت پەن قارجى سالاسىنىڭ قۇزىرلى ورگاندارىنا تۋىنداعان ماسەلەلەردى وڭتايلى شەشۋگە ناقتى مىندەتتەر قويىلعانىن ايتتى.
جالپى, قارجى داعدارىسى كەزىندە حالىقتىڭ تولەم قابىلەتى تومەندەۋى, نەسيەنى وتەۋ مۇمكىندىگىنىڭ ازايۋى زاڭدى قۇبىلىس. بۇگىنگى تاڭدا قازاقستانداعى حالىقتىڭ ۇشتەن ەكى بولىگى ەكىنشى دەڭگەيلى بانكتەرگە بەرەشەك. وسىنى ەسكەرە وتىرىپ, پرەزيدەنتتىڭ تاپسىرماسى بويىنشا ۇكىمەتتىڭ ءتيىستى قادامدارىنىڭ ناتيجەسىندە بانكتەر نەسيەلىك تولەمدەردى 3 اي مەرزىمگە ۇزارتتى. ارينە بۇل مۇلدە تولەمەيدى دەگەندى بىلدىرمەيدى. وسىنى نەسيە الۋشىلار دا دۇرىس قابىلداۋى شارت.
سونىمەن قاتار داعدارىستان زارداپ شەككەن جەكە كاسىپكەرلەرگە جەڭىلدەتىلگەن نەسيەلەر جىلدىق 8 %-دان اسپايتىن مولشەرلەمەمەن 12 ايعا دەيىنگى مەرزىمگە بەرىلىپ وتىر. بۇل دەگەنىمىز – ەكونوميكامىزدىڭ قازىرگى جاعدايىنا قاراماستان كاسىپكەرلىك سالاسىنا بەرىلگەن ۇلكەن مۇمكىندىك.
جالپى, داعدارىس كەزىندە بانكتەر مەن ميكروكرەديتتىك ۇيىمداردىڭ جۇمىسىن كۇشەيتۋ, توتەنشە جاعدايعا بايلانىستى نەسيەنىڭ پايىزدىق ۇستەمەسىن ەسەپتەمەۋ, تولەم مەرزىمىن ۇزارتۋ سياقتى شارالار حالىقتىڭ الەۋمەتتىك جاعدايىن السىرەتپەۋگە, شاعىن جانە ورتا كاسىپكەرلىك سالانى توقىراۋعا ۇشىراتپاۋعا ۇلكەن كومەگىن تيگىزەدى. اسىرەسە اۋىل شارۋاشىلىعى سالاسىنداعى شاعىن جانە ورتا بيزنەس وكىلدەرىنە ۇلكەن قولداۋ. وسى باعىتتاعى جۇمىستار ارقىلى پرەزيدەنت پەن ۇكىمەت ەندىگى ۋاقىتتا مەملەكەتتىڭ نەگىزگى سۇيەنىشى, ەكونوميكانىڭ تىرەگى قاي سالا بولۋى ءتيىس ەكەنىن اڭعارتقانداي اسەر قالدىردى.
قازىرگى تاڭدا شاعىن جانە ورتا بيزنەستىڭ نەسيەلەرىن وتەۋ مەرزىمىن ۇزارتۋ, تولەمدەردى قايتا قاراستىرۋ, سالىقتان ۋاقىتشا بوساتۋ ماسەلەلەرى بويىنشا بانكتەرمەن, باسقا دا قارجى ۇيىمدارىمەن جۇمىس جۇرگىزۋ تيىمدىلىگىن ارتتىرۋدىڭ باسقا دا جولدارى قاراستىرىلۋدا. بۇل بيلىكتىڭ تىكەلەي حالىقپەن, كاسىپكەرلەرمەن جۇمىس ىستەۋگە بەيىلدى ەكەنىن كورسەتەدى.
اجار بەيسەنباەۆا,
ەكونوميست