ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعدايلار كەزەڭىندە تابىسىنان ايىرىلۋىنا بايلانىستى ازاماتتاردىڭ مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) تولەم الۋعا ءوتىنىش بەرۋ ءراسىمىن جەڭىلدەتۋ ءۇشىن ارنايى Telegram-بوتتى ىسكە قوسادى. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىنىڭ بريفينگىندە ۆەدومستۆو باسشىسى ءبىرجان نۇرىمبەتوۆ مالىمدەدى.
«ەڭ ءبىرىنشى, مالىمەتتەرىڭىزدى دۇرىس تولتىرۋدى سۇرايمىز. بار بولعانى ءۇش باعان: اتى-ءجونى, جسن جانە كارتا شوتى. دوس, تانىس ەمەس, ءوزىڭىزدىڭ جەكە شوتىڭىزدى كورسەتۋ كەرەك. ويتكەنى الەۋمەتتىك تولەمدى تاعايىنداۋدا ءسىزدىڭ تەگىڭىز كارتوچكا يەسىمەن سالىستىرىلاتىن بولادى», دەدى مينيستر.
Telegram-بوت ارقىلى توتەنشە جاعداي كەزىندە تابىسىنان ايىرىلۋىنا بايلانىستى ماسق-تان الەۋمەتتىك تولەم الۋعا ءوتىنىش جاساۋ ءۇشىن كەلەسى ارەكەتتەردى ورىنداۋ قاجەت: