مەگاپوليستە ىندەت جۇقتىرعان ەڭ العاشقى ادام انىقتالعاننان بەرى, 2 ساۋىرگە دەيىن دەرت 90 ادامنان تابىلدى. دەگەنمەن, الماتىدا قازىرگى ۋاقىتتا كوروناۆيرۋستىق ينفەكتسيا جۇقتىرعانى راستالىپ, ساۋىعىپ شىققاندار سانى – 11 ادام. بۇل تۋرالى بۇگىنگى ونلاين-بريفينگتە الماتىداعى قوعامدىق دەنساۋلىق باسقارماسى باسشىسى تىلەۋحان ابىلداەۆ مالىمدەدى.
بۇگىن, 2 ساۋىردەگى تۇسكە دەيىنگى جاعداي تومەندەگىدەي: ينفەكتسيالىق ستاتسيونارلاردا الماتى وبلىسىنىڭ 1 پاتسيەنتىن قوسا العاندا, 80 ادام ەمدەلىپ جاتىر, ونىڭ ىشىندە 1 بالا بار.
68 ناۋقاستىڭ جاي-كۇيى – قاناعاتتانارلىق. 2 ەرەسەك ادامنىڭ جاي-كۇيى – اۋىر, 10 ەرەسەك ادامنىڭ جاي-كۇيى ورتاشا اۋىرلىق دەڭگەيىندە (1 وبلىستىق).
بارلىق ەمدەۋگە جاتقىزىلعانداردىڭ ىشىندە ەكى جاعداي – بۇعان دەيىن انىقتالعان پاتسيەنتتەرمەن بايلانىستا بولعان ادامدار.
جاڭادان كۆي جۇقتىرعاندارمەن بايلانىستا بولعاندار تابىلعان جانە وقشاۋلاندى.
كەشە الماتىدا Covid-19-دان ساۋىعىپ, تاعى ءبىر پاتسيەنت اۋرۋحانادان شىعارىلدى.
قازىرگى ۋاقىتتا پروۆيزورلىق ورتالىقتاردا بارلىعى 619 ادام بار, ونىڭ ىشىندە 81-ءى بالا بار.
ەكى كۇندىك كارانتيندىك وقشاۋلاۋدا 520 ادام جاتىر, ونىڭ ىشىندە 50-ءى بالا.
ءۇي كارانتينىندە 3853 ازامات بار.