بۇگىن تۇستەن كەيىن قىزىلوردا وبلىسىندا كوروناۆيرۋس ىندەتىن جۇقتىرعان تاعى ءبىر ادام انىقتالدى. وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆتىڭ ايتۋىنشا 28 جاستاعى جىگىت الدىندا ۆيرۋس جۇقتىرعاندارمەن قارىم-قاتىناستا بولعاندار قاتارىندا وقشاۋلانعان ەكەن.
- سوڭعى دەرەك تە جاڭاقورعان اۋدانىنان تىركەلىپ وتىر,– دەدى وبلىستىڭ باس دارىگەرى. – ول الدىندا دەرت جۇقتىرعاندارمەن بايلانىستا بولعان ادام رەتىندە تەكسەرۋگە الىنعان. قازىرگى جاعدايى تۇراقتى. جالپى وبلىس بويىنشا ۆيرۋس جۇقتىرعاندارمەن قارىم-قاتىناستا بولعان 485 ادام ناقتىلانعان. ولاردىڭ 133-ءى كارانتيندىك ستانتسيوناردا, 353-ءسى ءۇي جاعدايىندا باقىلاۋعا الىنعان.
قازىر ينفەكتسيانىڭ ورشۋىنە بايلانىستى وبلىستىق توتەنشە جاعداي كوميسسياسىنىڭ جانىنان جەدەل شتاب قۇرىلىپ وتىر. تاۋلىك بويىن جۇمىس ىستەيتىن شتابقا 40-01-00 تەلەفونى ارقىلى حابارلاسۋعا بولادى.