قىزىلوردا وبلىسىنىڭ اكىمى گۇلشارا ابدىقالىقوۆا بۇگىن «شيەلى-قىزىلوردا» تاس جولىنا قويىلعان توسقاۋىل بەكەتىنە بارىپ, ونداعى كارانتين جاعدايىندا جۇرگىزىلىپ جاتقان جۇمىستارمەن تانىستى.
قالا اكىمى نۇرلىبەك نالىباەۆ پەن وبلىستىق جۇمىلدىرۋ دايىندىعى باسقارماسىنىڭ باسشىسى قايراتبەك سارسەنباەۆ وبلىس اكىمىنە كارانتيندىك شارالاردى ساقتاۋ باعىتىندا اتقارىلىپ جاتقان جۇمىستار ەسەبىن بەردى.
- قازىر قالادا 6 توسقاۋىل بەكەتى قويىلدى. ارقايسىسىنا اسكەري ءبولىمنىڭ 14 قىزمەتكەرى بەكىتىلگەن. 10 ادامدىق شاتىر تىگىلگەن. 1 ارنايى تەحنيكا مەن ادام تاسۋعا ارنالعان كولىك تە قاراستىرىلعان, - دەدى باسقارما باسشىسى.
توسقاۋىل بەكەتتەرىنىڭ جۇمىس ىستەۋ ءتارتىبى قاتاڭ ساقتالادى. مۇندا وبلىستىق پوليتسيا دەپارتامەنتى مەن دەنساۋلىق ساقتاۋ باسقارماسىنىڭ ماماندارى تاۋلىك بويى قىزمەت اتقارادى.
وبلىس اكىمى كارانتين تالاپتارىنىڭ ساقتالۋىن مىندەتتەپ, توسقاۋىل بەكەتتەرىندەگى قىزمەتكەرلەردىڭ ىستىق تاماقپەن قامتاماسىز ەتىلۋىن نازاردا ۇستاۋ قاجەتتىگىن ەسكەرتتى.