ولاردىڭ ءبىرى بۇرىن كوروناۆيرۋس راستالعان ورال تۇرعىنىمەن بايلانىستا بولعان. بۇل تۋرالى coronavirus2020.kz حابارلادى.
37 جاستاعى اتىراۋ قالاسىنىڭ تۇرعىنى ۆيرۋس جۇقتىرعان ورالدىق ايەلمەن بايلانىستا بولعاندار تىزىمىندە تۇرعان.تۋعان جەرىنە ورالعاننان كەيىن ودان اۋرۋ انىقتالعان.
ەكىنشى اۋرۋ جۇقتىرعان پاتسيەنت – 20 جاستاعى جىگىت, 27 ناۋرىز كۇنى اۋەجايعا قونعان «ىستامبۇل-اتىراۋ» ارنايى رەيسىنىڭ جولاۋشىسى. جىگىت جرۆي ايقىن بەلگىلەرىمەن ينفەكتسيالىق ستاتسيونارعا جاتقىزىلدى. كارانتيندە بولعان كەزدە كوروناۆيرۋسقا تەستى قايتا تەكسەرىلگەندە راستالدى.بۇل رەيسپەن سونداي-اق 28 ناۋرىزدا جاستاعى ايەل دە كەلگەن. ول اۋەجايدان جرۆي بەلگىلەرىمەن اۋرۋحاناعا جەتكىزىلگەن, كەيىن اۋرۋ جۇقتىرعانى انىقتالدى.
قىزىلقوعا اۋدانىنىڭ 28 جاستاعى تۇرعىنى اتىراۋ قالاسىنداعى وبلىستىق اۋرۋحاناعا جرۆي بەلگىلەرىمەن شاعىمدانعان. ودان الىنعان تەست ايەلدىڭ كوروناۆيرۋسقا شالدىققانىن كورسەتتى, قازىرگى كەزدە ناۋقاسپەن بايلانىستا بولعان ادامداردىڭ ءتىزىمى قۇرىلۋدا. بۇدان باسقا, اتىراۋ وبلىستىق دەنساۋلىق ساقتاۋ باسقارماسىنىڭ شەشىمىمەن, وبلىستىق اۋرۋحانا ەكى كۇنگە كارانتينگە جابىلدى. مەديتسينالىق مەكەمەدە دەزينفەكتسيا جۇرگىزىلىپ, ىندەت جۇقتىرعان مەديتسينالىق قىزمەتكەرلەر مەن پاتسيەنتتەر وقشاۋلانعان.
وسىلايشا, اتىراۋ وبلىسىندا كوروناۆيرۋس ينفەكتسياسىن جۇقتىرعاندار سانى 16 ادام بولدى. بارلىق پاتسيەنتتەر ينفەكتسيالىق ستاتسيوناردا جاتىر. ولارمەن بايلانىستا بولعان تۇلعالار انىقتالىپ, كارانتينگە جاتقىزىلۋدا.