جاپوندىق سۋرەتشى Akie Nakata ادام كوزىنەن جىراقتا جاتقان تابيعاتتىڭ ەرەكشە جاراتىلىستارىن شىعارماشىلىق ىزدەنىسىنىڭ ءبىر بولشەگىنە اينالدىرعان.
سۋرەتشى الاقانعا عانا سياتىنداي تاستاردان جانۋارلاردىڭ سۋرەتىن سالىپ, ولارعا جان بىتىرۋگە قۇشتارلىعى تۋرالى ايتىپ, ءاربىر تاسقا سالىناتىن سۋرەت نوبايىنىڭ ءوز ەركىنەن تىس پايدا بولاتىندىعىن جەتكىزەدى. Boredpanda اقپارات كوزى دەرەگىنە سۇيەنسەك, cۋرەتشى بۇل ىسپەن سوڭعى ون جىل بويى اينالىسىپ كەلەدى. جەردىڭ ءوزىن تۇتاس ءبىر الىپ تاسقا ۇقساتاتىن سۋرەتشى جان-جاقتا شاشىلىپ جاتقان تاستار ادەتتە كوپشىلىكتىڭ نازارىنا ىلىگە بەرمەيدى, دەيدى.
وسى كاسىپكە بار جان دۇنيەسىمەن بەرىلە كىرىسكەن سۋرەتشىنىڭ سوڭعى ۋاقىتتا جاساعان وتىز شاقتى جاڭا تۋىندىسى باي كوللەكتسياسىن تولىقتىرىپ وتىر. ولاردىڭ باسىم كوپشىلىگىندە Bored Panda بەينەلەنگەن.
سۋرەتشى تاستاردى قانداي دا ءبىر سۋرەت قۇرالى عانا ەمەس, ەرەكشە ءپىشىم رەتىندە قاراستىرادى ءارى تاس تا يەسىن تاپقانىن سەزەمىن, دەيدى. تاستاردى تەڭىز جاعالاۋىندا سەرۋەندەي ءجۇرىپ ىزدەيتىنىن ايتقان سۋرەتشىگە بۇل كاسىبى ەرەكشە شابىت سىيلايدى.
الماتى