بۇگىندە الەمدى شارپىعان كوروناۆيرۋس ىندەتى ەلىمىزگە دە كەلدى. ەل-جۇرتتى ابىگەرگە سالعان ىندەتتىڭ الدىن الۋدا قازىرگى كەزدە ەلىمىزدە ءتيىستى شارالار قابىلدانۋدا. وكىنىشكە قاراي, اعىمداعى جىلعى 15-18 ناۋرىز ارالىعىندا كوروناۆيرۋستان قايتىس بولعان اقمولا وبلىسىنىڭ تۇرعىنى تىركەلگەندىگى حابارلانعان بولاتىن. جامبىل وبلىسى اكىمدىگىنىڭ مالىمەتىنشە, اقمولا تۇرعىنى شۋ جانە مەركى اۋداندارىنىڭ اۋماعىنا كەلىپ-كەتكەن.
مەديتسينالىق جانە ەپيدەمياعا قارسى قىزمەتتەر مارقۇممەن بايلانىستا بولعان 16 تۇلعانى انىقتاعان. شۋ اۋدانىنان 10, ال مەركى اۋدانىنان 6 ادام تەكسەرىلگەن. ابىروي بولعاندا, كوروناۆيرۋستىق ينفەكتسياسىنا الىنعان قان تالداۋىنىڭ قورىتىندىسى تەرىس ناتيجە كورسەتتى.
بۇگىندە ازاماتتاردىڭ جاعدايى قاناعاتتانارلىق, كوروناۆيرۋستىق ينفەكتسيانىڭ بەلگىلەرى جوق. ولار 14 كۇندىك كارانتيندىك ستاتسيونارعا جاتقىزىلعان. كەلگەن ورىندارىندا مەديتسينالىق قىزمەتكەرلەر ەپيدەمياعا قارسى قاجەتتى ءىس-شارالاردى جۇرگىزدى.
جامبىل وبلىسى