بۇل ءتۋرالى بىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاتسيالار قىزمەتىندە وتكەن ونلاين-بريفينگتە حابارلادى. بۇعان دەيىن ءبىز مۇعالىمدەردىڭ تەلەارنالار ارقىلى ساباق بەرەتىنىن جازعانبىز.
مىنە, ەندى كەلەر جىلى 100 جىلدىعىن اتاپ وتەتىن قازاق راديوسى دا بالالارعا قاشىقتان ءبىلىم بەرۋ جۇگىن بىرگە ەڭسەرمەك.
– سوڭعى توقساننىڭ ءبىلىم باعدارلاماسىن قامتۋ ءۇشىن 3 مىڭنان اسا ساباق تۇسىرۋگە ءتيىسپىز. قازىر سول تەلە-ساباقتاردىڭ 300-دەن استامى دايىن. كەلەسى ۇلكەن باعىت – راديو. قازاقتىڭ قارا شاڭىراعى سانالاتىن قازاق راديوسىنىڭ ءۇنى بايلانىسى جوق شالعاي ەلدى-مەكەندەرگە جەتىپ جاتقانىن بىلەمىز. سوندىقتان قازاق راديوسىمەن جۇرگىزىلگەن كەلىسسوزدەردىڭ ناتيجەسىندە كەستە بويىنشا راديو-ساباق بەرۋدى باستاماقپىز, – دەدى ا.ايماعامبەتوۆ.