حالىقتىڭ قاۋىپسىزدىگىن قامتاماسىز ەتۋ ماقساتىندا ەلىمىزدە توتەنشە جاعداي ەنگىزىلگەن بولاتىن. وسىعان بايلانىستى, ماڭعىستاۋ وبلىسى ازاماتتىق قورعانىسىنىڭ ەنەرگەتيكا قىزمەتى جۇمىس اتقارۋدا جانە نەگىزگى ماقساتى وبلىس تۇرعىندارىن ۇزدىكسىز ەنەرگورەسۋرستارمەن قامتاماسىز ەتۋ. بارلىق الەۋمەتتىك نىساندار اۆتونومدى گەنەراتورلارمەن قامتىلعان.
ايتا كەتەيىك, توتەنشە جاعداي كەزىندە (اپات جانە ت.ب.) وبلىس حالقىن اۋىز سۋمەن قامتاماسىز ەتۋ ماقساتىندا 180 000 تەكشە مەتر اۋىز سۋ قورى بار. بۇل تۋرالى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى ايدوس حاميەۆ مو قوعامدىق كوممۋنيكاتسيا ورتالىعىندا مالىمدەدى.
قازاقستان رەسپۋبليكاسى پرەزيدەنتىنىڭ Covid-19 ينفەكتسيا جاعدايى تۋرالى جانە كريزيسكە قارسى شارالار جونىندەگى تاپسىرمالارىن ورىنداۋ ءۇشىن, وبلىس اكىمدىگىمەن تۇتىنۋشىلاردىڭ كوممۋنالدىق قىزمەتتەردى تولەۋگە قاتىستى كوممۋنالدىق قىزمەت كورسەتۋشى مەكەمەلەرمەن ءتيىستى جۇمىس اتقارىلدى.
ناتيجەسىندە, قازاقستان رەسپۋبليكاسى اۋماعىندا توتەنشە جاعداي اياقتالعانعا دەيىن ماڭعىستاۋ وبلىسىنىڭ بارلىق تۇتىنۋشىلارى ءۇشىن قارىزداردى ءوندىرىپ الۋدى توقتاتا تۇرۋ شارالارى قابىلدانىپ, كوممۋنالدىق قىزمەت تۇرلەرىمەن (ەلەكتر ەنەرگياسى, گاز, جىلۋ, سۋ) ۇزدىكسىز قامتاماسىز ەتىلەتىن بولادى.
بۇل رەتتە, تۇرعىندار كوممۋنالدىق قىزمەتتەرگە اقى تولەۋدەن بوساتىلماعانىن, تەك توتەنشە جاعداي اياقتالعانعا دەيىن قاجەتتى جاعدايدا عانا كەلىسىممەن تولەمدەردى كەشىكتىرىرىپ تولەۋگە بولادى.
وبلىس بويىنشا كوپ پاتەرلى تۇرعىن ۇيلەردە دەزينفەكتسيا جاساۋ جۇمىستارى دا جوسپارعا سايكەس اتقارىلۋدا.
اقتاۋ قالاسى بويىنشا 78 باسقارۋشى ورگان (كسك, پكسك, يپ, توو) جانە 1062 كوپ پاتەرلى تۇرعىن ءۇي بار.
كوپ پاتەرلى تۇرعىن ۇيلەردىڭ دالىزدەرىن دەزنيفەكتسيالاۋ جۇمىستارى باسقارۋشى ورگان قىزمەتكەرلەرىنىڭ جانە تۇرعىنداردىڭ كۇشىمەن كۇنىنە كەم دەگەندە ءبىر, ەكى رەتتەن جۇرگىزىلۋدە.
اتاپ ايتقاندا تۇرعىن ۇيدە ادامدار كوپ پايدالاناتىن ورىنداردى (ليفتتەر, دالىزدەر, ەسىك تۇتقالارى, دوموفون قۇرىلعىلارى) دەزينفەكتسيالاۋ قوسپالارمەن تازالاۋ جانە پروفيلاقتيكالىق جۇمىستارى جۇرگىزىلۋدە.
سونداي-اق, جاڭاوزەن قالاسى بويىنشا 29 باسقارۋشى ورگان جانە 262 كوپ پاتەرلى تۇرعىن ۇيلەردەن قۇرالعان.
قالعان اۋدانداردا جەرگىلىكتى اكىمدىك, باسقارۋشى ورگان قىزمەتكەرلەرىنىڭ جانە تۇرعىنداردىڭ كۇشىمەن دەزينفەكتسيا جۇرگىزىلۋدە (مۇنايلى اۋدانى – 85 كپتۇ, قاراقيا اۋدانى – 119 كپتۇ, بەينەۋ اۋدانى 90 كپتۇ, ماڭعىستاۋ اۋدانى –45 كپتۇ, تۇپقاراعان اۋدانى – 27 كپتۇ).
اتالعان جۇمىستاردى ۇيىمداستىرۋ جانە باقىلاۋ قالالار مەن اۋداندار اكىمدىكتەرىمەن ىسكە اسىرىلۋدا.
ماڭعىستاۋ وبلىسى بويىنشا 301 سۇيىتىلعان مۇناي گازىن قۇيۋ بەكەتى جۇمىس ىستەيدى. باعاسى بەكىتىلگەن ەرەجەلەرگە سايكەس 50 تەڭگەدەن 60 تەڭگەگە ارالىعىندا. الايدا, سۇيىتىلعان مۇناي گازىن تۇتىنۋدىڭ كۇرت تومەندەۋىنە بايلانىستى كەيبىر بەكەتتەر گازدى 47 تەڭگەدەن ساتىپ جاتىر.
وڭىردە 3 مىڭ توننا سۇيىتىلعان گاز قورى بار.