توتەنشە جاعداي كەزىندە ەلورداداعى الەۋمەتتىك ءالسىز توپتارعا مەملەكەتتىك تۇرعىدا قولداۋ كورسەتىلەدى. بۇل تۋرالى نۇر-سۇلتان قالاسى اكىمىنىڭ ورىنباسارى باقتيار ماكەن مالىمدەدى.
«مەملەكەت باسشىسىنىڭ تاپسىرماسىنا سايكەس توتەنشە جاعداي كەزىندە كوروناۆيرۋس ينفەكتسياسىنىڭ تارالۋىن بولدىرماۋ جانە تۇرعىنداردىڭ الەۋمەتتىك وسال توپتارىن قولداۋ شارالارى كەڭىنەن جۇرگىزىلۋدە. بۇگىننەن باستاپ بارلىق قوعامدىق كولىكتەرگە ءتيىستى شەكتەۋلەر قويىلىپ جاتىر. سونىڭ ىشىندە كاسىپورىندار مەن مەكەمەلەر جۇمىسىن ۋاقىتشا توقتاتتى. توتەنشە جاعدايلار جونىندەگى مەملەكەتتىك كوميسسياسىنىڭ بۇل شەشىمىن قالا تۇرعىندارىنىڭ دەنساۋلىعىن ساقتاۋ مەن كوروناۆيرۋس ىندەتىنىڭ كەڭىنەن تارالۋىنا جول بەرمەۋ ءۇشىن قابىلداندى», دەدى باقتيار ماكەن.
بۇدان سوڭ, ول قالا اكىمدىگىمەن قولعا الىنىپ جاتقان شارالارعا توقتالىپ ءوتتى.
«ەلوردا مەديتسينا قىزمەتكەرلەرىنە ءتيىستى قوناقۇيلەر مەن كولىك بەرىلدى. اتاپ ايتقاندا نۇر-سۇلتان قالاسىنىڭ ستاتسيونارلارىندا كوروناۆيرۋس ينفەكتسياسىن جۇقتىرعان نەمەسە جۇقتىرعان ادامدارمەن تىكەلەي بايلانىستا بولعاندار مەن جۇمىس ىستەيتىن مەديتسينا قىزمەتكەرلەرىنىڭ قاۋىپسىزدىگىن قامتاماسىز ەتىپ ولارعا جاعداي جاساۋ ءۇشىن قوناقۇيلەر بەرىلدى. قالالىق شتاب ىستىق تاماقپەن قامتاماسىز ەتىپ, CTS كومپانياسىنىڭ 50-دەن استام كولىگى بەرىلدى. سونداي-اق قالانىڭ اۋرۋحانالارى مەن ەمحانالارىندا جۇمىس ىستەيتىن مەديتسينا قىزمەتكەرلەرىنە ءتيىستى ارنايى كولىك ۇيىمداستىرىلعان. بۇل قىزمەتتەردىڭ بارلىعى تەگىن», دەدى ول.
سونداي-اق ول مەديتسينالىق قىزمەتكەرلەرگە ءتيىستى سىياقى بەرىلەتىنىن ايتتى.
«سانيتارلىق-ەپيدەميولوگيالىق سالالاردا جۇمىس ىستەيتىن قىزمەتكەرلەر ءۇشىن قارجىلىق قولداۋ پاكەتىنىڭ بەلگىلەنگەنىن حابارلادىق. سول باستامانى ءبىز قولعا الىپ بۇگىننەن باستاپ بارلىق ءبىزدىڭ مەديتسينالىق قىزمەتكەرلەرگە ءتيىستى سىياقى بەرىلەدى», دەدى ب.ماكەن.