نەسيە تولەۋدى توقتاتا تۇرۋ ءتارتىبى

مەملەكەت باسشىسىنىڭ تاپسىرماسىن ىسكە اسىرۋ ماقساتىندا اتالعان اگەنتتىك قازاقستان قار­جى­­گەرلەرى قاۋىمداستىعىمەن, ەكىن­شى دەڭگەيلى بانكتەرمەن جانە ميك­رو­قارجى ۇيىمدارىمەن اتالعان ماسەلەنى جان-جاقتى پىسىقتاعان.

بۇل ءتارتىپ ەكىنشى دەڭگەيدەگى بانكتەرگە, بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا, لومباردتارعا, ونلاين-كرەديتتەۋ كومپانيالارىنا, كرەديتتىك سەرىكتەستىكتەرگە, ونىڭ ىشىندە بۇرىن كورسەتىلگەن ۇيىمدار بولىپ تابىلعان زاڭ­دى تۇلعالاردى قوسا العاندا, مي­كروقارجىلىق قىز­مەت­تى جۇزەگە اسى­راتىن ۇيىم­دار­عا قاتىستى قول­دانىلادى. نەگىزگى بورىش پەن سىياقى سوما­لارىن تو­لەۋ­دى توق­تاتا تۇرۋ كرەديتتىك ۇيىم­دار 2020 جىلعى 16 ناۋرىزعا دەيىن بەرگەن بارلىق بانكتىك قا­رىز­دارعا جانە ميكروكرەديتتەرگە قول­دا­نىلادى جانە 2020 جىلعى 16 ناۋرىز – 15 ماۋسىم ارالىعىنداعى 90 كۇن كەزەڭىنە بەرىلەدى. حالىقتىڭ بارىنشا وسال توپتارىن قورعاۋدى قامتاماسىز ەتۋ ءۇشىن بانكتىك قا­رىز جانە ميكروكرەديت شارتتا­رى بويىنشا نەگىزگى بورىش پەن سىياقى بويىنشا تولەمدەردى توق­تا­تا تۇرۋ وتىنىشتەردى, راستايتىن قۇ­جاتتاردى تالاپ ەتپەي جانە قو­سىم­شا كەلىسىمدەرگە قول قويماي, قارىز الۋشىنىڭ كەلىسىمىمەن جەكە تۇل­عالاردىڭ الەۋمەتتىك ساناتتارى ءۇشىن جۇزەگە اسىرىلادى. سونداي-اق مەملەكەتتىك اتاۋلى الەۋمەتتىك كومەك الۋشىلار, حالىقتى جۇ­مىس­پەن قامتۋ ماسەلەلەرى بويىنشا جەرگىلىكتى ورگاندا تىركەلگەن جۇ­مىسسىزدار تىزىمدەرى كرەديتتىك ۇيىم­دارعا ەڭبەك جانە حالىقتى الەۋ­مەتتىك قورعاۋ مينيسترلىگىنىڭ جانە كرەديتتىك بيۋرولاردىڭ اقپا­را­تى نەگىزىندە ۇسىنىلادى.

قارجىلىق جاعدايى ناشار­لاعان جەكە تۇلعالارعا بانكتىك قارىز جانە ميكروكرەديت شارتتارى بويىنشا نەگىزگى بورىش پەن سىياقى بويىنشا تولەمدەردى توقتاتا تۇرۋ ءوتىنىش نەگىزىندە, راستايتىن قۇجاتتاردى ۇسىنباي-اق كارانتيننىڭ ەنگىزىلۋىنە باي­لانىستى ۋاقىتشا جۇمىسقا جا­رام­سىز; اقى تولەنبەي ەڭبەك دەمالى­سىندا جۇرگەن; جۇمىستان شىق­قان, ەڭبەك شارتىن بۇزعان جانە وزگە ەڭبەك شارتىن توقتاتقان; جا­لا­قىسى نەمەسە وزگە كىرىستەرى تو­مە­ندەتىلگەن نەمەسە تولەۋ توقتا­تىل­عان; ەگەر قىزمەتكەر اۋماعىندا توتەنشە جاعداي جانە (نەمەسە) كا­رانتين قولدانىلاتىن جەرگە بارۋىنا (شىعۋىنا) شەكتەۋ قويىلۋىنا بايلانىستى جۇمىس ور­نىندا بولا الماعان جاعدايدا; قار­جىلىق جاعدايىنىڭ ناشارلاۋىن كۋالاندىراتىن وزگە دە سەبەپتەر نەگىزىندە جۇزەگە اسىرىلادى.

قارىز الۋشىنىڭ ءوتىنىشى قار­جى­لىق جاعدايدىڭ ناشارلاۋ سەبە­بىن كورسەتە وتىرىپ ەركىن نى­ساندا جاسالادى, ەلەكتروندى پوشتا, «بانك-كليەنت» جۇيەسى, ۇيىمنىڭ ين­تەرنەت-رەسۋرسى, ءموبيلدى قو­سىم­شا جانە باسقا دا بايلانىس قۇ­رالدارى ارقىلى جىبەرىلەدى. كرە­ديتتىك ۇيىم قارىز الۋشىنىڭ ءوتى­نىشىن 10 جۇمىس كۇنى ىشىندە قا­رايدى.

ءوتىنىش كرەديتتىك ۇيىمعا كەز كەلگەن ساتتە 2020 جىلعى 16 ناۋ­رىز – 15 ماۋسىم ارالىعىنداعى كەزەڭدە بەرىلە الادى. بۇل رەتتە كرە­ديتتىك ۇيىمدا جەكە تۇلعا­نىڭ قارجىلىق جاعدايىنىڭ ناشارلاماعانى تۋرالى اقپارات بولعان جاعدايدا باس تارتا الادى. تولەمدەردى توقتاتا تۇرۋ كەزەڭىندە كرەديتتىك ۇيىم قارىز الۋشىلار بويىنشا شاعىم-تالاپ جۇمىسىن جانە مەرزىمى وتكەن بەرەشەكتى وتەۋ قاجەتتىلىگى تۋرالى قارىز الۋشىنى حاباردار ەتۋدى توقتاتادى.

ال شاعىن جانە ورتا كاسىپكەرلىك سۋبەكتىلەرىنە, ونىڭ ىشىندە جەكە كاسىپكەرلەرگە بانكتىك قارىز جانە ميكروكرەديت شارتتارى بويىنشا نەگىزگى بورىش پەن سىياقى بويىنشا تولەمدەردى توقتاتا تۇرۋ قارىز الۋشىنىڭ ءوتىنىشى جانە قارجىلىق جاعدايىنىڭ ناشارلاعانىن راستايتىن قۇجاتتار نەگىزىندە جۇزەگە اسىرىلادى. بۇل رەتتە كرەديتتىك ۇيىم تومەندەگىدەي جاعدايلاردا توقتاتا تۇرۋ تۋرالى شەشىم قا­بىل­دايدى. ماسەلەن, قىزمەتى توتەنشە جاعداي رەجىمىمەن شەكتەلگەن ەكونوميكا سالالارىندا قىزمەتتى جۇزەگە اسىرۋ, ونىڭ ىشىند­ە: ازىق-ت ۇلىك دۇكەندەرىن, ءدارىحانالاردى جانە ولارعا بايلانىس­تى جەتكى­زىلىمدەردى قوسپاعاندا, ساۋدا سەكتورى, ويىن-ساۋىق-ساۋدا ورتا­لىقتارىن جالعا الۋشىلاردى قوسا العاندا, حالىق تۇتىناتىن تا­ۋارلاردىڭ دۇكەندەرى, تاۋارلار جەتكىزۋ تىزبەسى, تۋروپەراتور­لاردى جانە تۋراگەنتتەردى قوسا العاندا, سپورت, تۋريزم جانە قو­ناقۇي بيزنەسى, ازىق-ت ۇلىكتى جانە ءدارى-دارمەكتى تاسىمالداۋ­دى قوسپاعاندا, جولاۋشىلار جانە جۇك تاسىمالداۋ سەكتورى, مەيرامحانالاردى جانە كافەلەردى قوسا العاندا, قوعامدىق تا­ماقتانۋ سەكتورى, تۇرمىستىق قىز­مەت كورسەتۋ سەكتورى, تەاترلار­دى, كينوتەاترلاردى, فوتو جانە بەينە ءتۇسىرۋدى, كورمەلەردى جانە كونفەرەنتسيالاردى قوسا العاندا, بوس ۋاقىتتى جانە دەمالىستى, مەرە­كە­لەردى ۇيىمداستىرۋ, ءسان سا­لوندارى جانە فيتنەس ورتا­لىق­تارى نەمەسە توتەنشە جاعداي رەجى­مىنىڭ قولدانىلۋى كەزەڭىندە سا­تىلعان تاۋارلار جانە (نەمەسە) كورسەتىلگەن قىزمەتتەر كو­لە­مىنىڭ تومەندەۋى, ساتىپ الۋشى­لار­دان اقى تولەۋ مەرزىمدەرى كە­شىك­تىرىلگەنى, توقتاتىلا تۇر­عا­نى, اۋىس­تىرىلعانى (مەرزىمى شە­گە­رىلگەنى), قىزمەتكەرلەردىڭ شتات سانىنىڭ قىسقارعانى راستالعان كەزدە نەمەسە باسقا وبەكتيۆتى سەبەپتەر بويىنشا قارجىلىق جاع­دايى ناشارلاعان جاعدايدا توق­تا­تى­لادى.

سونداي-اق 2020 جىلعى 16 ناۋ­رىز –15 ماۋسىم ارالىعىنداعى كەزەڭدە كرەديتتىك ۇيىمدار تولەم­دەر­دى توقتاتا تۇرۋ تۋرالى ءوتىنىشتى قارا­عانى جانە ءتيىستى شارتتاردى وزگەرتكەنى ءۇشىن قارىز الۋشى­دان كوميسسيالار مەن وزگە دە تولەم­دەر­دى المايدى.