وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە, وڭىردە 330 اۋىل ۇيالى بايلانىس جۇيەسىن پايدالانۋدا.
ال 28 اۋىلدىڭ تۇرعىندارى ءۇشىن ۇيالى بايلانىس ءالى ءۇنسىز. تۇرعىندار ينتەرنەت جەلىسىنىڭ دە جىلدامدىعى وتە تومەندىگىن ايتۋدا.
باسقارما بيىل «موبايل تەلەكوم سەرۆيس» كومپانياسى 18 اۋىلدى «تەلە2» جەلىسىنە قوسادى.
ەلىمىزدەگى بايلانىس سالاسىنداعى جاڭا وپەراتور «ۆوستوك تەلەكوم» جشس الدا 250 جانە ودان كوپ تۇرعىنى بار اۋىلدارعا دا ۇيالى بايلانىس جۇيەسىن جەتكىزبەك.
مىسالى, رەسەيدىڭ كورشى وبلىستارىمەن شەكارالاس ەرتىس اۋدانىنىڭ امانگەلدى, لەنين اۋىلدارىنا ۇيالى بايلانىس ءالى كەلە قويعان جوق. سوندىقتان ەرىكسىزدەن رەسەيدىڭ بايلانىسىن قولدانۋعا ءماجبۇر.
ەكى اۋىلدا بار-جوعى 600-دەي ادام قالعان. بۇل ۇيالى بايلانىس وپەراتورلارى ءۇشىن ابونەنت سانى از بولىپ ەسەپتەلەدى.
ال كورشى اعاشورىن اۋىلىندا ۇيالى بايلانىس بار. ەكى اۋىل تۇرعىندارى وسى اۋىلدىڭ بايلانىسىن ۇستايتىن جەر ىزدەپ جۇرەدى.
- ەگەر تەلەفوندى, روۋمينگتى وشىرمەسەك, ساتىپ العان بىرلىكتەرىمىز رەسەيدىڭ بايلانىسىنا كەتەدى, - دەيدى تۇرعىندار.
پاۆلودار وبلىسى