باتىس قازاقستان وبلىسىندا كوروناۆيرۋس جۇقتىرعان ايەلدىڭ بىرەۋى ساراتوۆتان, ەكىنشىسى اتىراۋدان كەلگەن. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆ بريفينگ بارىسىندا ايتتى.
ەكەۋى دە – بقو تۇرعىندارى, ولار جۇقپالى اۋرۋلار اۋرۋحاناسىنا جاتقىزىلدى. قازىرگى كەزدە اۋىرعان ادامدارمەن بايلانىستا بولعاندار انىقتالۋ ۇستىندە. كۇنى بۇگىن كارانتيندىك جانە پروۆيزورلىق ستاتسيوناردا بارلىعى 65 ادام جاتىر, ءبارىنىڭ جاعدايى قاناعاتتانارلىق.
بقو-نىڭ باس مەملەكەتتىك سانيتارلىق دارىگەرى مۇحامعالي ارىسپاەۆتىڭ سوزىنە قاراعاندا, رەسەيدەن كەلگەن ايەل 24 ناۋرىز كۇنى شەكارادان وتكەن. سودان كەيىن ۇيىندە وقشاۋلانعان. ءتورت-بەس كۇننەن سوڭ اۋرۋدىڭ العاشقى بەلگىلەرى بايقالعاننان كەيىن پروۆيزورلىق گوسپيتالعا جاتقىزىلدى.
قازىرگى تاڭدا ەكى ناۋقاستىڭ داع جاعدايى جاقسى.