تۇركيالىق كاسىپكەر حۋسەين ارسلان قازاقستانعا 1000 دانا بەتپەردە جانە تاعى باسقا دا ماڭىزدى مەديتسينالىق زاتتاردى كومەك رەتىندە جولدادى. بۇل تۋرالى «حابار 24» حابارلادى.
نەگىزىنەن رەسمي مەكەمەلەردە قولدانىلاتىن جابدىقتار, 1000 دانا بەتپەردە, مەديتسينالىق قولعاپ, كومبينەزون, ۆاكۋمدىق كوزىلدىرىك جانە 100 دانا قىزۋ ولشەگىش سىندى ماڭىزدى زاتتاردان قۇرالعان.
اتالمىش جابدىقتار ەلىمىزدىڭ دەنساۋلىق ساقتاۋ سالاسى مەن ارنايى مەكەمەلەردە قولدانىلاتىن بولادى. جيىنى جارتى توننالىق جۇك تيەلگەن ۇشاق نۇر-سۇلتان قالاسىنا قوندى.
ايتا كەتۋ كەرەك, اتالمىش باۋىرلاستىق كومەك قر سىرتقى ىستەر مينيسترلىگى مەن Air Astana اۋە كومپانياسىنىڭ قولداۋىمەن انكارادان جونەلتىلدى.