26 ناۋرىز بەن 25 ءساۋىر ارالىعىندا ۇلتتىق «بالا داۋىسى» بالالار ءان كونكۋرسىنىڭ بەسىنشى ماۋسىمىنىڭ قاشىقتان ىرىكتەۋ كەزەڭى وتەدى. كونكۋرستىڭ ۇيىمداستىرۋشىلارى 8-12 جاس ارالىعىنداعى بالالاردى ەلىمىزدىڭ ەڭ اۋقىمدى مۋزىكالىق جوباسىنىڭ قاتىسۋشىسى بولۋعا شاقىرادى.
ونلاين-ىرىكتەۋ تۋرىنا قاتىسۋ ءۇشىن ءوتىنىمدى تولتىرىپ, كەز كەلگەن تىلدە جانە كەز- كەلگەن جانردا ەكى-ءۇش ءان ۇزىندىلەرى ورىندالعان بەينەسىن جىبەرۋى قاجەت. ىرىكتەۋ تۋرىنىڭ قورىتىندىسى بويىنشا 17 فيناليست انىقتالادى, ولار ماۋسىم ايىنىڭ باسىندا الماتى قالاسىنا شاقىرىلاتىن بولادى.
«بالا داۋىسى» - بۇل الەۋمەتتىك جوبا, ونىڭ بارلىق كەزەڭدەرىنە قاتىسۋ تەگىن, ال ونىڭ جەڭىمپازدارى مەن جۇلدەگەرلەرى ەلىمىزدىڭ مۋزىكالىق وقۋ ورىندارىندا ءبىلىم الۋعا گرانتتار مەن ەرتەگىلەر الەمى - ديسنەيلەندكە جولداما الادى.
بايقاۋدىڭ ۇيىمداستىرۋشىلارى - ءاليا نازارباەۆانىڭ «جاندانۋ الەمى» قورى, قازاقستان رەسپۋبليكاسىنىڭ مادەنيەت جانە سپورت مينيسترلىگى جانە قازاقستان رەسپۋبليكاسىنىڭ تۇڭعىش پرەزيدەنتى-ەلباسى قورى.
تولىق اقپاراتتى كونكۋرستىڭ رەسمي www.baladauysy.kz سايتىنان بىلە الاسىزدار. وتىنىمدەر www.notka.kz سايتىندا 26 ناۋرىزدان باستاپ قابىلدانادى.