ناۋرىز مەرەكەسى كۇنى ماڭعىستاۋ وبلىستىق كوپبەيىندى بالالار اۋرۋحاناسىندا كەزەكشىلىك ۇيىمداستىرىلىپ, دارىگەرلىككە كومەككە 93 بالا جۇگىنگەن بولاتىن. باسىم بولىگى ينفەكتسيالىق اۋرۋمەن حابارلاسقان. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى حابارلادى.
ايتا كەتۋ كەرەك, بالالار اۋرۋحاناسىنا جەدەل جاردەم بريگاداسىنىڭ كومەگىمەن جەتكىزىلگەن جانە وزدەرى بارعان 93 بالانىڭ 14 اۋرۋحانانىڭ ءتۇرلى بولىمشەلەرىنە جاتقىزىلعان بولاتىن.
تراۆماتولوگيا بولىمشەسىنە قارالعان 43 بالانىڭ ىشىندە 4-ءى حيرۋرگيالىق بولىمشەگە جاتقىزىلعان. ال ينفەكتسيالىق اۋرۋمەن جولىققان 55 بالاعا ءتۇرلى دياگنوز قويىلعان, پەدياتريا بولىمشەسىنە 25 بالا قارالدى, ونىڭ 12-ءسى ءبىر جاسقا دەيىنگى بالالار.
76 بالاعا امبۋلاتورلىق ەم الۋ جونىندە كەڭەس بەرىلگەن. جالپى كەزەكشىلىك تىنىش ءوتتى, جاپپاي ۋلانۋ نەمەسە جاراقات الىپ جەتكىزىلگەندەر بولعان جوق.
ماڭعىستاۋ وبلىسى