كوروناۆيرۋستىڭ «كومەگى»

اۆتوردىڭ سوزىنشە, كارانتين مىڭ-ميلليون كورەرمەننىڭ كوزايىمىنا اينالعان «تاقتار تالاسى» سەريالىنىڭ اياقتالۋىنا ىقپالىن تيگىزۋدە. دەمەك «مۇز بەن وتتىڭ ءانى» («A Song of Ice and Fire») رومان-ەپوپەياسىنىڭ جازعا سالىم جاريالانادى دەپ جوسپارلانعان التىنشى ءبولىمى «قىس سامالى» («ۆەترا زيمى») ۇزدىكسىز جازىلۋدا. كورەرمەن مەن وقىرمان كوپ جىلدار بويى كۇتكەن بۇل ءبولىمنىڭ جارىققا شىعۋىايگىلى تەلەسەريالدىڭ التىنشى ءھام جەتىنشى ماۋسىمدارىمەن تىكەلەي بايلانىستى.

«شىنىمدى ايتسام, قازىر كوپ ۋاقىتىمدى ءوز ومىرىمدە ەمەس, ۆەستەروستا وتكىزىپ جاتقاندايمىن. الا تاڭنان قارا كەشكە دەيىن جازۋ ۇستەلىندەمىن», – دەدى اۆتور الەۋمەتتىك جەلىدەگى پاراقشاسىندا.

ادەبيەت سالاسى بويىنشا نوبەل سىيلىعىنا ۇسىنىلعان (2019 جىلى) «مۇز بەن وتتىڭ ءانى» («A Song of Ice and Fire») ەپوپەياسىنىڭ جەلىسىمەن «تاقتار تالاسى» («يگرا پرەستولوۆ») سەريالى تۇسىرىلگەن ەدى. ايتا كەتۋ كەرەك, بۇل فيلم سوڭعى جىلدارداعى ەڭ تانىمال تەلەجوبالاردىڭ ءبىرى سانالىپ, ون جىلدىڭ كولەمىندە كورەرمەندەردىڭ قىزىعۋشىلىعىنا بولەنىپ كەلەدى. روماندا ويدان قۇراستىرىلعان ەكى كونتينەنت اراسىنداعى باسەكە, ۆەستەروس پاتشالىعىنىڭ بيلىگىنە تالاس ءسوز بولادى.​سونىمەن قاتار مارتين جۇقپالى اۋرۋدىڭ دەندەپ مەڭدەگەنىنە بايلانىستى قوعامنان وقشاۋلانىپ, تەك جازۋمەن اينالىسىپ جاتقانىن ايتتى.