قىرعىزستاننىڭ بىشكەك, وش, جالالاباد قالاسى, وش وبلىسىنىڭ نووكات جانە كارا-سۋ اۋدانى, جالالاباد وبلىسى سۋزاك اۋدانىندا 25 ناۋرىز بەن 15 ءساۋىر ارالىعىندا كوروناۆيرۋسقا بايلانىستى توتەنشە جاعداي جاريالانادى.
سوورونباي جەەنبەكوۆ الەمدەگى قيىن جاعدايدى, سونداي-اق ەلدە كوروناۆيرۋس ينفەكتسياسى قارقىنى ارتىپ كەلە جاتقانىن اتاپ ءوتتى.
وسىعان بايلانىستى پرەزيدەنت بىشكەك, وش جانە جالال-اباد, وش وبلىسىنىڭ كارا-سۋي, نووكات اۋداندارىندا, دجالال-اباد وبلىسىنىڭ سوزاق اۋدانىندا توتەنشە جاعداي ەنگىزۋ تۋرالى شەشىم قابىلداعانىن ايتتى.
پرەزيدەنت قول قويعان ءتيىستى جارلىققا جوگاركۋ كەنەش قولداۋ بىلدىرسە, توتەنشە جاعداي 25 ناۋرىز ساعات 08.00-دەن باستاپ 2020 جىلدىڭ 15 ءساۋىرى ساعات 08.00-گە دەيىن ەنگىزىلەدى.
اتالعان قالالار مەن اۋدانداردىڭ اۋماعىندا كومەنداتۋرا قۇرىلدى.
جەەنبەكوۆ وسى اۋداندارداعى سانيتارلىق-كارانتيندىك بەكەتتەردەن ءوتۋ كەزىندە ازىق-ت ۇلىك جانە باسقا دا تاۋار تاسيتىن جۇك كولىكتەرىنە باسا نازار اۋدارۋدى تاپسىردى.
ازىق-ت ۇلىك, ءدارى-دارمەك تاسىعان كولىكتەردى بلوكبەكەتتەردەن كەزەكسىز وتكىزىپ جاتىر. باسقا جاقتا تۇراتىن مەملەكەتتىك ورگان قىزمەتكەرلەرى ارنايى وتكىزۋ قاعازىنىڭ كومەگىمەن وتەدى.
23 ناۋرىز كۇنگى دەرەك بويىنشا, قىرعىزستاندا 16 ادامنان كوروناۆيرۋس تابىلعان: 7 ەر ادام, 9 ايەل.
سونداي-اق ازەربايجان استاناسى باكۋ قالاسى كوروناۆيرۋسقا بايلانىستى جابىلدى. 19 ناۋرىزدا باكۋ مەن ونىڭ ماڭىنداعى سۋمگايت قالاسى جانە اپشەرون اۋدانىنا كولىكتەردىڭ كىرۋىنە تىيىم سالىندى. بلوكپوستاردان تەك جەدەل جاردەم جانە قۇتقارۋ قىزمەتى, جۇك, پوليتسيا كولىكتەرى عانا وتە الادى. شەكتەۋ شاراسى كەمىندە 29 ناۋرىزعا دەيىن كۇشىندە بولادى.