ەلىمىزگە تاياۋ كۇندەرى كوروناۆيرۋستى انىقتاۋعا ارنالعان 250 مىڭ تەست جەتكىزىلەدى. بۇل تۋرالى اقپارات جانە قوعامدىق دامۋ مينيسترى داۋرەن اباەۆ ايتتى.
«مەملەكەت باسشىسى اقپاراتتى ءبىر ورتالىقتان تاراتۋدى تاپسىردى. بۇل جۇمىسقا جاۋاپتى بولىپ اقپارات جانە قوعامدىق دامۋ مينيسترلىگى بەكىتىلدى. سوندىقتان الداعى ۋاقىتتا ءبىز سىزدەرگە مەملەكەتتىك كوميسسيا, ۇكىمەت, ورتالىق مەملەكەتتىك ورگاندار اتقارىپ جاتقان شارالار تۋرالى تۇراقتى تۇردە حابارلاپ وتىرامىز. بىراق بۇل جۋرناليستەردىڭ جەرگىلىكتى اتقارۋشى ورگاندارمەن قالىپتاسقان جۇمىسىنا كەدەرگى كەلتىرمەيدى. دەنساۋلىق ساقتاۋ باسقارمالارى قاجەتتى بولعان كەزدە سىزدەرمەن بۇرىنعىداي بايلانىستى بولادى», دەدى داۋرەن اباەۆ.
بۇدان سوڭ, ول جاقىندا قازاقستانعا كوروناۆيرۋستى انىقتاۋعا ارنالعان 250 مىڭ تەست اكەلىنەتىنىن ايتتى.
«بۇگىندە ەلىمىزدە 60 مىڭ تەست بار. تاياۋ كۇندەرى ءبىزدىڭ قولىمىزعا تاعى دا 150 مىڭ تەست تۇسەدى. كەلىسىمشارت جاساسۋ كەزەڭىندە تۇر. تاعى دا 100 مىڭ تەست دەمەۋشىلەردىڭ قاراجاتى ەسەبىنەن ساتىپ الىنادى. كوروناۆيرۋستى انىقتاۋعا ارنالعان تەست حالىق ءۇشىن تەگىن جۇرگىزىلەدى», دەدى داۋرەن اباەۆ.