مەملەكەت باسشىسى قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا كارانتين كەزىندە بارلىق ينتەرنەت-رەسۋرستاردىڭ قولجەتىمدىلىگى تەگىن بولۋى ءتيىس ەكەنىن اتاپ ءوتتى.
«كارانتين ەنگىزىلۋىنە بايلانىستى حالىقتى ۇيلەرىندە بولۋعا شاقىردىق. ادامدار قاشىقتان جۇمىس ىستەۋ كەزىندە ءموبيلدى تەحنولوگيالاردى بارىنشا بەلسەندى پايدالانادى. سول سەبەپتى توتەنشە جاعداي رەجيمى كەزىندە ءموبيلدى بايلانىس پەن ينتەرنەتكە, اسىرەسە, ءبىلىم بەرۋ رەسۋرستارىنا, الەۋمەتتىك جەلىلەر مەن مەسسەندجەرلەرگە قولجەتىمدىلىكتى كەڭەيتۋدى تاپسىرامىن. قازاقستاندىق بارلىق ينتەرنەت-رەسۋرستاردىڭ قولجەتىمدىلىگى تەگىن بولۋ ءتيىس», دەدى پرەزيدەنت.
سونداي-اق قاسىم-جومارت توقاەۆ توتەنشە جاعداي رەجيمى كەزىندە قارىز پايدا بولعان كۇننىڭ وزىندە بايلانىس قىزمەتتەرىن پايدالانۋ جالعاسا بەرەتىنىن ايتتى.
«بۇعان دەيىن مەن كارانتين كەزەڭىندە حالىققا كوممۋنالدىق قىزمەتتەر تولەمىن تومەندەتۋ بويىنشا تاپسىرما بەرگەن بولاتىنمىن. الماتى جەدەل ارەكەت ەتىپ, تيىسىنشە شەشىم قابىلدادى. ەندىگى كەزكتە مەملەكەتتىك كوميسسيا جالپىرەسپۋبليكالىق جۇيەلى شارالار ازىرلەۋى كەرەك. قازاقستان حالقى بىزدەن وسىنداي شارالاردى كۇتىپ وتىر. بۇگىن ازاماتتارعا مەنىڭ تاپسىرمالارىمدى تانىستىرۋعا جانە ولاردى جۇزەگە اسىرۋعا شۇعىل كىرىسۋى ءتيىس», دەدى مەملەكەت باسشىسى.