بۇدان بىلاي الماتى وبلىسىنىڭ اۋماعىنداعى الەۋمەتتىك دۇكەندەردە 1 كگ ۇننىڭ باعاسى 130 تەڭگەدەن ساتىلادى. جانە الىپ ساتارلىقتىڭ الدىن الۋ ماقساتىندا قاتاڭ باقىلاۋ جاسالىپ, ءار ساتىپ الۋشىعا ءبىر قاپتان ارتىق بوساتىلمايدى.
بۇل تۋرالى الماتى وبلىسى اكىمىنىڭ ورىنباسارى سەرىكجان بەسكەمپىروۆتىڭ توراعالىعىمەن وتكەن اۋدان, قالا اكىمدەرىنىڭ سەلەكتورلىق جيىنىندا ايتىلدى. جيىندا ازىق-ت ۇلىك باعاسىنىڭ تۇراقتىلىعىن قامتاماسىز ەتۋ ماسەلەسى تالقىلاندى. ەندىگى جەردە اكىمدىكتەر ۇن شىعاراتىن «ازيا اگرو-فۋد» كومپانياسىمەن ىنتىماقتاسا جۇمىس ىستەيتىن بولادى. سونىڭ ناتيجەسىندە الماتى وبلىسىنىڭ تۇرعىندارى ۇننىڭ ءبىر كەلىسىن 130 تەڭگەدەن ساتىپ الۋعا قول جەتكىزبەك. الىپساتارلىقتىڭ الدىن الۋ ماقساتىندا ءار ادامعا ۇن تەك ءبىر قاپتان ساتىلادى.
وكىنىشكە قاراي, توتەنشە جاعداي جاريالانعالى بەرى ايماقتا ازىق-ت ۇلىك باعاسى كۇرت قىمباتتاپ كەتكەن. جۇرگىزىلگەن مونيتورينگ بارىسىندا كەيبىر اۋدانداردا قانت, كۇرىش, كارتوپ پەن ءسۇتتىڭ باعاسى وسكەنى بايقالعان. وسىعان بايلانىستى اكىم ورىنباسارى جاۋاپتى ادامدارعا ازىق-ت ۇلىك باعاسىن ءجىتى باقىلاۋدى تاپسىردى.
- كەيىنگى كەزدە بازاردا, دۇكەندەردە قولدان جاسالعان دۇرلىگۋ ورىن الدى. وسىنى پايدالانىپ, كەيبىر جاۋاپسىز ساۋداگەرلەر باعانى وسىرگەن. بۇگىنگى كۇنى وڭىردە الەۋمەتتىك ماڭىزدى تاۋارلار جەتكىلىكتى, الاڭداۋعا نەگىز جوق. ازىق-ت ۇلىك باعاسىنىڭ وسۋىنە ءار اكىم دەربەس جاۋاپ بەرەتىن بولادى, سوندىقتان بۇل ماسەلەنى ەرەكشە نازاردا ۇستاۋدى تاپسىرامىن. اۋداندار ءبىر-بىرىمەن ىنتىماقتاسا جۇمىس ىستەۋى كەرەك. مىسالى, رايىمبەك اۋدانىندا كارتوپتىڭ, بالقاش اۋدانىندا كۇرىشتىڭ, قاراتال اۋدانىندا پيازدىڭ قورى بار. نەگە ءوزارا تاۋار الماسىپ, باعانى تۇراقتاندىرۋدىڭ جولىن قاراستىرماسقا؟, - دەدى وبلىس اكىمىنىڭ ورىنباسارى سەرىكجان بەسكەمپىروۆ.