نۇر-سۇلتان قالاسىندا كارانتين ەنگىزىلۋىنە بايلانىستى قالالىق جەدەل شتاب قۇرىلدى, وندا قالادا ماسەلەلەردى جەدەل شەشۋ ءۇشىن ارنايى توپتار جۇمىلدىرىلعان. بۇل تۋرالى اكىمدىكتىڭ ءباسپاسوز قىزمەتى حابارلادى.
№ 5 توپ «قالا تىرشىلىگىن قامتاماسىز ەتۋ» ماسەلەلەرى بويىنشا جۇمىس جاسايدى, ونىڭ قۇرامىنا كوممۋنالدىق جانە مەملەكەتتىك مەكەمەلەردىڭ جاۋاپتى تۇلعالارى ەندى. بۇل توپ قالاداعى وزەكتى ماسەلەلەردى دەرەۋ شەشۋگە اتسالىسىپ, ءتۇرلى قىزمەتتەردىڭ توقتاپ قالۋ قاۋپىن ازايتۋعا ىقپال ەتەدى. اتالعان جۇمىس توبى كارانتين ۋاقىتىندا تاۋلىك بويى جۇمىس جاسايدى. قالانىڭ تىنىس-تىرشىلىگىنە قاتىستى سۇراقتار بويىنشا (اپاتتىق ءوشىرۋ, ەلەكر, سۋ جىلۋدىڭ بولماۋى) تۇرعىندار قالالىق iKOMEK109 ورتالىعىنا (call-center 109) حابارلاسا الادى.
سونىمەن قاتار, كەلەسى سەرۆيستەر بويىنشا حابارلاسۋعا بولادى:
- astana.gov.kz اكىمدىكتىڭ رەسمي سايتى;
- iKOMEK109 (PlayMarket/AppStore) ءموبيلدى قوسىمشاسى;
- چات-بوت Telegram (t.me/nursultanikomek109_bot);
- Smart Astana (PlayMarket/AppStore) ءموبيلدى قوسىمشاسى;
- aitu.city پورتالى.