حالىقارالىق رەگبي كەڭەسى جاھاندى جايلاعان COVID-19 ىندەتىنە بايلانىستى بىرقاتار شەشىم قابىلدادى دەپ جازادى Olympic.kz.
جارىستى قابىلداۋشى ءارى قاتىسۋشى مەملەكەتتەرمەن وتكىزىلگەن كەلىسسوزدەردەن كەيىن, تومەندەگى جايتتار انىقتالدى: رەگبي-7 سپورتىنان لوندون مەن پاريجدە ءوتۋى ءتيىس ەرلەر اراسىنداعى الەمدىك سەريا ويىندارى قىركۇيەككە دەيىن شەگەرىلدى. ال ايەلدەر اراسىنداعى ءتۋرنيردىڭ وتكىزىلۋ ۋاقىتى بەلگىسىز.
2021-2023 جىلدارى وتەتىن الەم كۋبوگىنە ايماقتىق ىرىكتەۋ تۋرنيرلەرى وتپەيتىن بولدى. رەگبيدەن 20 جاسقا دەيىنگى سپورتشىلار اراسىنداعى بيىلعى الەم چەمپيوناتى وتكىزىلمەيدى.
ماۋسىم ايىنا جوسپارلانعان وليمپيادا ويىندارىنا ىرىكتەۋ ءتۋرنيرى كەيىنگە شەگەرۋ نەمەسە وتكىزبەۋ ماسەلەسى قازىر قاراستىرىلۋدا. حالىقارالىق رەگبي كەڭەسى بۇل ماسەلە بويىنشا حالىقارالىق وليمپيادا كوميتەتىمەن تىعىز بايلانىستا ەكەنىن ايتا كەتكەن ءجون.