ۇلتتىق بيوتەحنولوگيا ورتالىعى مەن بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ ماماندارى قازاقستاندا كوروناۆيرۋسقا قارسى ۆاكتسينا ازىرلەپ جاتىر. بۇل تۋرالى كوروناۆيرۋسقا قاتىستى رەسمي حابار تاراتاتىن Coronavirus2020.kz سايتىندا جاريالاندى.
عالىمدار بەس ءتۇرلى ۆاكتسينا جاسايدى. ولاردىڭ ىشىنەن كلينيكالىق سىناقتاردى وتكىزۋ ءۇشىن ەڭ ءتيىمدىسى تاڭدالادى.
«الەمنىڭ كوپتەگەن ەلدەرى ءوز ۆاكتسيناسىن ازىرلەيتىنىن جاريالادى. الايدا مۇنىڭ ءبارى كلينيكالىق زەرتتەۋدى قاجەت ەتىپ, جۇمىس ءبىر جىلدان كەيىن اياقتالادى. ۆاكتسينانى قابىلداعانعا دەيىن COVID-19 ۆيرۋسىنىڭ تارالۋىنىڭ الدىن الۋ قاجەت. ايتسە دە بۇل تەك مەملەكەت قابىلداعان شارالارعا عانا ەمەس, سونىمەن بىرگە ءار ادامعا دا بايلانىستى. سوندىقتان بارلىق الدىن-الۋ شاراسىن ساقتاۋ قاجەت» دەلىنگەن حابارلامادا.
ەسكە سالا كەتەيىك, قازاقستاندا سوڭعى تاۋلىكتە 49 ادام كوروناۆيرۋس جۇقتىردى. الماتى قالاسىندا – 22 ادام, نۇر-سۇلتان قالاسى بويىنشا 25 ادام, قاراعاندى قالاسىندا – 2 ناۋقاس تىركەلدى.