بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ حابارلادى.
ءسىم وكىلىنىڭ ايتۋىنشا, COVID-19 كوروناۆيرۋس ىندەتىنىڭ ورشۋىنە بايلانىستى ءسىم-دە داعدارىستىق شتاب ىسكە قوسىلدى, ول قر-دىڭ شەت ەلدەردەگى مەكەمەلەرىندە قۇرىلعان بارلىق جەدەل شتابتاردىڭ جۇمىسىن ۇيلەستىرەدى. قازىر الەمنىڭ 73 ەلىندە 295 مىڭعا جۋىق قازاقستاندىق بار.
«شەتەلدەگى ءبىزدىڭ ازاماتتارىمىزدىڭ كوپ بولىگى, سولاردىڭ ىشىندە تۇراقتى تۇرۋعا, جۇمىس, وقۋ جانە باسقا ماقساتتا شەت مەملەكەتتەردە تۇراتىن ازاماتتارىمىز, اسىرەسە جاعدايى تۇراقتى ەلدەردە تۇراتىندار, قايتىپ ورالۋعا نيەت بىلدىرمەيدى. ولاردىڭ اراسىندا دۇرلىگۋ مەن ۇرەي جوق. ولار ورنالاسقان ەلدىڭ ۇسىنىستارى مەن ەرەجەلەرىن باسشىلىققا الادى, كارانتين رەجيمىن جانە ۇيدە وقشاۋلاۋدى ساقتايدى. قازىر تاڭدا ازاماتتارىمىزدىڭ ۇيلەرىنە ورالۋى – ءسىم جۇمىسىنىڭ نەگىزگى باسىمدىعى. بۇگىندە شەت ەلدەردەگى قازاقستاندىق تۋريستەردى ەسەپتەمەگەندە الەمنىڭ 23 ەلىنەن 1285 ازامات قازاقستانعا ورالۋعا نيەت بىلدىرۋدە. تۋريستەردى شىعارۋمەن قازىر مادەنيەت جانە سپورت مينيسترلىگى اينالىسىپ جاتىر»,- دەدى ا. سمادياروۆ.