بيىل شىعىستىڭ عۇلاما ويشىلى, ماتەماتيك, استرولوگ, مۋزىكا تەورەتيگى, اريستوتەلدەن كەيىنگى ەكىنشى ۇستاز اتانعان ءابۋ ناسىر ءال-ءفارابيدىڭ تۋعانىنا 1150 جىل تولىپ وتىر. بابا مەرەيتويى اياسىندا نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ «قورقىت» ءداستۇرلى ساز توبىنىڭ كوركەمدىك جەتەكشىسى, قازاقستاننىڭ مادەنيەت قايراتكەرى شولپان قورعانبەك ۇلى ءال-فارابيگە ارناپ «عاسىرلار مارجانى» اتتى كۇي شىعاردى.
اتالعان اسپاپتىق شىعارمادا اۆتور ءال-فارابي ءومىر سۇرگەن ورتا عاسىرلاردىڭ رۋحىن جەتكىزۋگە تىرىسقان. Əل-ءفارابيدىڭ شىعىس اسپاپتارىندا تاماشا ويناپ, كانۋن مۋزىكالىق اسپابىن ويلاپ تاپقانى بەلگىلى. «عاسىرلار مارجانى» مۋزىكالىق شىعارماسى دا ءدال وسى كانۋن اسپابىمەن ورىندالادى. بۇل تۋرالى كۇي اۆتورى شولپان قورعانبەك:
«مەن ءوز مۋزىكامدا كانۋننىڭ دىبىسىن سول كەزدەگى اتموسفەرا مەن مۋزىكالىق بەينەلەردى جەتكىزۋ ءۇشىن قولداندىم.
ويشىل عالىم مۋزىكانىڭ تەك تەورياسىن زەرتتەپ قانا قويماعان. ول سونداي-اق تəجىريبە جۇزىندە دە قولدانىپ, كوپتەگەن اسپاپتاردا تاماشا ويناعان. ونىڭ شەبەر ورىنداۋشىلىعى جونىندە شىعىس حالىقتارى اراسىندا كۇنى بۇگىنگە دەيىن ايتىلىپ جۇرگەن كوپتەگەن اڭىزدار بار.
استرونوميا, لوگيكا, مۋزىكا جانە ماتەماتيكا تەورياسى, الەۋمەتتانۋ جانە ەتيكا, مەديتسينا جانە پسيحولوگيا, فيلوسوفيا عالىمنىڭ ءوزىن دالەلدەگەن سالالارى. سوندىقتان دا ونىڭ دانالىعى مەن دۇنيەتانىمى شىعىستىق ورتا عاسىرلار مۋزىكاسىنا ءتان ۇنمەن جەتكىزىلدى.
شىعارمانى العاش رەت «كورقىت» ەتنو-ءانسامبلى ورىندادى. ال شىعارمانىڭ نەگىزگى مازمۇنى سانالاتىن كانۋن اسپابىن گۇلدانا نۇراباەۆا ويناپ شىقتى», دەپ ءوز ويىن ءبىلدىردى.