ۆيرۋس جۇقتىرعانداردىڭ جالپى سانى 6-عا جەتتى. بۇل تۋرالى قىرعىزستاننىڭ دەنساۋلىق ساقتاۋ ءمينيسترى كوسموسبەك چولپونباەۆ مالىمدەدى.
«ۆيرۋس جۇقتىرعاندار كىشى قاجىلىقتان كەلگەن ازاماتتار. ولار قازىر نووكات جۇقپالى اۋرۋلار اۋرۋحاناسىندا ارنايى بوكستاردا جاتىر. قازىر ولارمەن بايلانىسقا تۇسكەن ادامدار انىقتالۋدا», دەدى كوسموسبەك چولپونباەۆ.
ونىڭ ايتۋىنشا, قازىر قىرعىزستاندا ىندەت جۇقتىرعانداردىڭ سانى 6-عا جەتكەن.
ەسكە سالا كەتەيىك, بۇعان دەيىن قىرعىزستاندا تىركەلگەن العاشقى ءۇش جاعداي جايىندا حابارلاعان بولاتىنبىز.
بەلگىلى بولعانداي, 12 ناۋرىز كۇنى ساۋد ارابياسىنان كىشى قاجىلىقتان كەلگەن ازاماتتار دجالال-اباد وبلىسى سوزاق اۋدانىنىڭ تۇرعىندارى. قازىر ولار دجالال-اباد وبلىسىنىڭ جۇقپالى اۋرۋلار اۋرۋحاناسىندا جاتىر. ساۋد ارابياسىنان كەلگەن رەيستە بارلىعى 144 جولاۋشى بولعان. ونىڭ ىشىندە ەكى ادام وزبەكستانعا كەتىپ قالعان. قالعان ازاماتتار كارانتينگە وقشاۋلاندى. بۇدان بولەك جالپى 300-دەن استام ادام قازىر كارانتيندە جاتىر.