پرەمەر-مينيستر, توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسياسىنىڭ توراعاسى اسقار مامين پرەزيدەنت قاسىم-جومارت توقاەۆقا كوميسسيانىڭ جۇمىسى جانە ەل اۋماعىندا كوروناۆيرۋس ىندەتىنىڭ تارالۋىنا قارسى قابىلدانعان شەشىمدەر جايىندا باياندادى.
مەملەكەتتىك كوميسسيانىڭ توراعاسى نۇر-سۇلتان جانە الماتى قالالارىندا كارانتيننىڭ ەنگىزىلۋى, ەكونوميكا سۋبەكتىلەرىن قولداۋ شارالارى, كوروناۆيرۋس جۇقتىرعانداردىڭ پايدا بولۋ ىقتيمالدىعىنا وڭىرلەردىڭ دايىندىعى تۋرالى ايتتى.
قازاقستان پرەزيدەنتى كوميسسيا مۇشەلەرى جۇيەلى جۇمىس ىستەپ, ايماق باسشىلارىمەن ءوزارا ىنتىماقتاسا ارەكەت ەتۋىنىڭ ماڭىزدىلىعىن اتاپ ءوتتى. مەملەكەت باسشىسىنىڭ پىكىرىنشە, فيسكالدى ساياساتتى ءتيىمدى جۇزەگە اسىرۋ ماسەلەسىنە باسا ءمان بەرۋ كەرەك. بۇل رەتتە ۇكىمەت پەن ۇلتتىق بانكتىڭ ۇيلەسىمدى ءىس-قيمىلدارى اسا ماڭىزدى.