الەۋمەتتىك جەلىلەردە جانە WhatsApp مەسسەندجەرىندە وقۋشىلاردىڭ مەكتەپكە نەمەسە دۇكەندەرگە كەلگەنىن انىقتاۋ ماقساتىندا رەيد جۇرگىزىلەتىنى جانە انىقتالعان جاعدايدا اتا-انالارعا ايىپپۇل سالىناتىنى تۋرالى تاراپ جاتقان اقپارات شىندىققا جاناسپايدى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى.
"قازىرگى ۋاقىتتا مەكتەپ وقۋشىلارى كوكتەمگى كانيكۋلدا, پەداگوگتار قاشىقتان جۇمىس ىستەۋدە, مەملەكەتتىك قوسىمشا ءبىلىم بەرۋ ۇيىمدارى جابىلدى. بالالاردى جەكەمەنشىك دامىتۋ ورتالىقتارىنا جىبەرۋگە قاتىستى شەشىمدى اتا-اناسى نەمەسە زاڭدى وكىلدەرى قابىلدايدى.قوسىمشا سۇراقتار بويىنشا ءبىلىم جانە عىلىم مينيسترلىگىنىڭ سall-ورتالىعىنا: +7 (7172) 74-24-11 تەلەفون ءنومىرى ارقىلى نەمەسە وبلىستاردىڭ جانە رەسپۋبليكالىق ماڭىزى بار قالالاردىڭ ءبىلىم باسقارمالارىنا حابارلاسۋعا بولادى" دەلىنگەن حابارلامادا.ەستەرىڭىزگە سالايىق, جالعان اقپارات تاراتۋشىلاردى جاۋاپكەرشىلىككە تارتۋ زاڭدا قاراستىرىلعان.