ەلوردانىڭ «بارىس» حوككەي كلۋبى پرەزيدەنت قاسىم-جومارت توقاەۆتىڭ كوروناۆيرۋس ىندەتىنەن ساقتانۋ ماقساتىندا ەل اۋماعىندا توتەنشە جاعداي جاريالاۋىنا بايلانىستى گاگارين كۋبوگىنا قاتىسۋدان باس تارتتى. بۇل تۋرالى كلۋبتىڭ رەسمي سايتى حابارلادى.
جەرلەستەرىمىز بۇگىن گاگارين كۋبوگىنىڭ جارتىلاي فينالىنداعى العاشقى ويىنىن ءنوۆوسىبىردىڭ ء«سىبىر» كومانداسىنا قارسى «بارىس ارەنا» مۇزايدىنىندا وتكىزۋى كەرەك بولاتىن. ويىنعا ءبىر كۇن قالعاندا ەلوردا كلۋبىنىڭ باسشىلىعى وسىنداي شەشىم قابىلدادى. «بارىس» گاگارين كۋبوگى جارىسىنان باس تارتقان العاشقى كوماندا ەمەس. بۇعان دەيىن فينليانديانىڭ «يوكەريت» كلۋبى دا كوروناۆيرۋسقا بايلانىستى ءتۋرنيردى جالعاستىرۋدان باس تارتقان ەدى.