توتەنشە جاعدايعا قاراماستان ەلىمىزدەگى ازىق-ت ۇلىك ساۋدا ورىندارى جۇمىسىن توقتاتپايدى. الايدا اتالعان نىساندار سانيتارلىق قاۋىپسىزدىك شارالارىن مەيلىنشە كۇشەيتۋگە ءتيىس. پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ساۋدا جانە ينتەگراتسيا ءمينيسترى باقىت سۇلتانوۆ پەن اۋىل شارۋاشىلىعى ءمينيسترى ساپارحان وماروۆ وسىلاي دەدى.
ب.سۇلتانوۆ ازىق-ت ۇلىك قاۋىپسىزدىگىن قامتۋ ماقساتىندا قازاقستان اۋماعىنداعى بارلىق ساۋدا نىساندارى جۇمىسىن تارتىپكە سايكەس جالعاستىراتىنىن جەتكىزدى. اتاپ ايتقاندا, ازىق-ت ۇلىك دۇكەندەرى, ءدارىحانالار, ساۋدا ورتالىقتارى, گيپەرماركەتتەر مەن بازارلار كۇندەلىكتى قىزمەتتەرىن كورسەتەدى. دەگەنمەن ولار بىرقاتار تالاپتى ساقتاۋى مىندەتتى.
– دەنساۋلىق ساقتاۋ مينيسترلىگى جانە ەلىمىزدىڭ باس سانيتارىمەن بىرلەسىپ, قوسىمشا قاۋىپسىزدىك جۇمىستارىن پىسىقتادىق. بىرىنشىدەن, بۇل زارارسىزداندىرۋ جۇمىسى رەجىمىن كۇشەيتۋگە بايلانىستى. ەڭ باستىسى, ۇزىن-سونار كەزەكتى بولدىرماعان ابزال. ەگەر مۇنداي جاعداي ورىن السا, ادامدار اراسىنداعى قاشىقتىق ءبىر مەتردەن كەم بولماۋى ءتيىس. ءىرى ساۋدا نىساندارى كەلەسى تالاپتاردى ساقتاۋعا مىندەتتى. اتاپ ايتساق, بەتپەردەسىز كەلۋشىلەردى نىساننىڭ اۋماعىنا كىرگىزۋگە شەكتەۋ قويىلادى نەمەسە ولاردى بەتپەردەمەن قامتۋ قاجەت. مىندەتتى تۇردە كوروناۆيرۋستىڭ الدىن الۋ تۋرالى پاراقشا تاراتىلۋى ءتيىس. بارلىق كىرەبەرىستەردە دەنە قىزۋىن انىقتايتىن قوندىرعى ورناتىلۋى قاجەت. ءىرى ساۋدا ورىندارى مەن بازارلاردىڭ جۇمىس ۋاقىتى وزگەرەدى. ازىق-تۇلىك بازارلارى ساعات 10:00-18:00 ارالىعىندا جۇمىس ىستەسە, كيىم-كەشەك ساۋدالايتىن ورىندار ساعات 11:00-17:00 ارالىعىندا اشىق بولادى. بىراق ساۋدا نىساندارىندا بارلىق سانيتارلىق جانە زارارسىزداندىرۋ شارالارىنا جان-جاقتى كوڭىل ءبولىنۋى ءتيىس. ساۋدا-ويىن ورتالىقتارىنا توقتالساق, ولاردىڭ ويىن-ساۋىق بولىمدەرى جۇمىستارىن توقتاتۋعا مىندەتتى. دەگەنمەن سونىڭ ىشىندە ورنالاسقان ازىق-ت ۇلىك نىساندارىنىڭ قىزمەتىنە شەكتەۋ قويىلمايدى. سول سەكىلدى ءىرى ساۋدا ورتالىقتارىندا ورنالاسقان ءدارىحانالار دا جۇمىسىن جالعاستىرادى. قوعامدىق تاماقتانۋ ورىندارى جۇمىس ۋاقىتىن قىسقارتۋى كەرەك. دالىرەك ايتقاندا, ساعات 22:00-گە دەيىن اشىق بولادى. كەلۋشىلەردىڭ سانى 50-دەن اسپاۋى ءتيىس. تەرەزەلەر بارىنشا اشىق بولعانى دۇرىس. قىزمەت كورسەتۋ سالاسىنداعى بارلىق نىسانداردا, سونىڭ ىشىندە ءسان سالوندارى مەن اتەلەلەردە ساعات سايىن زارارسىزداندىرۋ جۇمىسىنا دەن قويۋعا كەڭەس بەرەمىز. بولمەنى ءجيى جەلدەتىپ وتىرعان دۇرىس. گيگيەنالىق ماقساتتا سانيتايزەرلەر ورناتقان ارتىق ەتپەيدى, – دەدى ب.سۇلتانوۆ.
اۋىل شارۋاشىلىعى مينيسترلىگى تاراپىنان ەلىمىزدە الەۋمەتتىك ازىق-ت ۇلىك تاۋارلارىنىڭ جەتكىلىكتى مولشەردە بولۋىن قاداعالاۋ كۇندەلىكتى جۇرگىزىلىپ جاتىر دەدى ءتيىستى ۆەدومستۆو باسشىسى. بۇل باعىتتاعى جۇمىستارى وبلىس اكىمدىكتەرى جانە جاۋاپتى ورگانداردىڭ ۇدايى باقىلاۋىندا دەپ سەندىردى سپيكەر.
– ۆەتەرينارلىق جانە فيتوسانيتارلىق قىزمەت بارلىق ساۋدا ورىندارىندا شتاتتىق رەجىمدە جۇمىس ىستەۋدە. قوسىمشا كوروناۆيرۋسقا قارسى اگروونەركاسىپتىك ونىمدەر ترانزيتىنە شەكتەۋ قويىلمايدى. ەۋرازيالىق وداق جانە ءۇشىنشى ەلدەردەن كولىكتەردىڭ بارلىق تۇرىمەن ونىمدەردى تاسىمالداۋعا رۇقسات بەرىلگەن. بىراق ەۋرازيالىق وداق جانە ءۇشىنشى ەلدەردىڭ شەكاراسىندا ۆەتەرينارلىق جانە فيتوسانيتارلىق بەكەتتەرىندە باقىلاۋ كۇشەيتىلدى. بۇگىندە ەلىمىزدىڭ شەكاراسىندا 119 بەكەت بار. ونىڭ 64-ءى رەسەي شەكاراسىندا, 55-ءى قىرعىزستانمەن, 50-ءى قىتايمەن شەكارادا ورنالاسقان. سونداي-اق وزبەكستان مەن تۇركىمەنستان شەكاراسىندا باقىلاۋ بەكەتتەرى كۇشەيتىلگەن رەجىمدە جۇمىس ىستەۋدە. كەلىپ جاتقان تاۋارلار حيميالىق وڭدەۋدەن وتكىزىلىپ جاتىر. بارلىق قاجەتتى ىلەسپە جانە رۇقسات قاعازدار, مىسالى ترانزيتكە, يمپورتقا, ەكسپورتقا بەرىلەتىن قۇجاتتار كۇندەلىكتى تارتىپكە ساي بەرىلەدى, – دەدى س.وماروۆ.