ەلىمىزدە بۇگىنگى كۇنى الەۋمەتتىك ازىق-ت ۇلىك تاۋارلار كولەمى جەتكىلىكتى, مۇنىڭ بارلىعى قازىرگى كەزدە اۋىل شارۋاشىلىعى, يندۋستريا جانە ساۋدا مينيسترلىگى مەن اكىمدىكتەردىڭ قاتاڭ باقىلاۋىندا. بۇل تۋرالى اۋىل شارۋاشىلىعى ءمينيسترى ساپارحان وماروۆ ورتالىق كوممۋنيكاتسيالار قىزمەتىنىڭ الاڭىندا ايتتى.
«كۇندەلىكتى مونيتورينگ جۇرگىزىلۋدە, جاعداي بىرقالىپتى. ەلىمىزدە بۇگىنگى كۇنى الەۋمەتتىك ازىق-ت ۇلىك تاۋارلار كولەمى جەتكىلىكتى, مۇنىڭ بارلىعى قازىرگى كەزدە اۋىل شارۋاشىلىعى مينيسترلىگى, يندۋستريا جانە ساۋدا مينيسترلىگى مەن اكىمدىكتەردىڭ قاتاڭ باقىلاۋىندا. تاعى ءبىر ايتا كەتەتىن نارسە, ۆەتەريناريالىق جانە فيتوسانيتارلىق قىزمەتى بارلىق ساۋدا ورىندارىندا شتاتتىق رەجيمدە جۇمىس ىستەپ جاتىر. كوروناۆيرۋسقا قاتىستى بۇگىندە اگروونەركاسىپتىك ونىمدەر ءترانزيتى مەن تاسىمالىنا قوسىمشا شەكتەۋ قويىلمايدى» دەدى مينيستر.
سونداي-اق ول ەۋرازيالىق وداق جانە ءۇشىنشى ەلدەردىڭ كولىكتەرىنىڭ بارلىق ءتۇرىنىڭ اگروونەركاسىپ ونىمدەرىن تاسىمالداۋعا بۇگىنگى كۇنى رۇقسات بەرىلگەنىن, بىراق ءۇشىنشى ەلدەرمەن ەۋرازيالىق وداق شەكاراسىنداعى ۆەتەريناريالىق جانە ۆيتاسانيتارلىق بەكەتتەرىندە باقىلاۋ كۇشەيتىلگەنىن ايتتى.