مەملەكەت باسشىسى قاسىم-جومارت توقاەۆ كوروناۆيرۋس پاندەمياسىنىڭ ەل ەكونوميكاسىنا اسەرى تۋرالى دا پىكىر ءبىلدىردى.
«كوروناۆيرۋستىڭ الەمدىك ەكونوميكاعا قالاي كەرى ىقپال ەتكەنىن كوردىك. ءىس جۇزىندە بۇكىلالەمدىك ەكونوميكالىق جۇيەنى قايتا جاڭعىرتۋ ماسەلەسى قويىلىپ وتىر. قازاقستان دا وسى اۋقىمدى داعدارىستىڭ سالدارىن سەزىنۋدە» دەدى پرەزيدەنت تەلەۆيزيا ارقىلى قازاقستاندىقتارعا جولداعان ۇندەۋىندە.
قاسىم-جومارت توقاەۆتىڭ ايتۋىنشا, ەكونوميكالىق كاتاكليزمدەرگە قاراماستان الەۋمەتتىك شيەلەنىس پەن جۇمىسسىزدىقتىڭ ارتۋىنا جول بەرمەس ءۇشىن بارلىق شارا قولدانىلادى.
«ەلباسى نۇرسۇلتان نازارباەۆتىڭ سارابدال ساياساتىنىڭ ارقاسىندا ەلىمىزدىڭ حالىقارالىق رەزەرۆتەرى شامامەن 90 ملرد دوللارعا جەتتى. بۇل – ەكونوميكامىزدىڭ تۇراقتىلىعىن ساقتاۋدىڭ جانە مەملەكەتتىڭ الەۋمەتتىك مىندەتتەمەلەرىن ورىنداۋدىڭ ماڭىزدى كەپىلى. ءبىز بيۋدجەتتىك شىعىنداردى ماكسيمالدى ءتيىمدى بولاتىن باعىتتارعا قايتا بۇرامىز» دەدى پرەزيدەنت.
مەملەكەت باسشىسى, سونداي-اق, وتاندىق كاسىپكەرلەردى قولداۋعا جانە جاڭا جۇمىس ورىندارىن قۇرۋعا كەم دەگەندە 300 ملرد تەڭگە بولىنەتىنىن ايتتى.