ۇلتتىق قاۋىپسىزدىك كوميتەتىنىڭ ءباسپاسوز قىزمەتى الماتىدا ناۋرىز مەيرامى كەزىندە تەراكت ۇيىمداستىرماق بولعان دايش حالىقارالىق تەرروريستىك ۇيىمى يدەولوگياسىن ۇستانۋشىنىڭ قولعا تۇسكەنىن حابارلادى.
«2020 جىلعى 13 ناۋرىزدا ۇلتتىق قاۋىپسىزدىك كوميتەتى جەدەل- ىزدەستىرۋ ءىس-شارالارىنىڭ ناتيجەسىندە الماتى قالاسىندا «دايش» (قازاقستاندا تىيىم سالىنعان) حالىقارالىق تەرروريستىك ۇيىمى يدەولوگياسىن ۇستانۋشىنى ۇستاپ, سوت سانكتسياسىمەن قاماۋعا الدى. تۇتقىندالعان ادام ناۋرىز مەيرامىن مەرەكەلەۋ كەزەڭىندە حالىق كوپ شوعىرلانعان ورىنداردا تەراكت دايىندادى دەپ كۇدىكتەلۋدە. تەرگەۋ ءىس-قيمىلدارى بارىسىندا ودان ەكى جاۋىنگەرلىك گراناتا الىندى. كورسەتىلگەن ادامعا قاتىستى قازاقستان رەسپۋبليكاسى قىلمىستىق كودەكسىنىڭ 255 (تەرروريزم اكتىسى) جانە 258 (تەرروريستiك نەمەسە ەكسترەميستiك ارەكەتتى قارجىلاندىرۋ جانە تەرروريزمگە نە ەكسترەميزمگە وزگە دە دەم بەرۋشىلىك) باپتارى بويىنشا قىلمىستىق ىستەر قوزعالدى. تەرگەۋ جالعاسۋدا» دەلىنگەن حابارلامادا.