بۇگىن قازاقستان رەسپۋبليكاسىنىڭ ۋكرايناداعى ەلشىسى دارحان كالەتاەۆ ۋكراينا سىرتقى ىستەر ءمينيسترىنىڭ ورىنباسارى ە.بوجوكقا سەنىم گراموتالارىنىڭ كوشىرمەسىن تاپسىردى. بۇل تۋرالى قازاقپارات حابارلادى.
«تاراپتار كەزدەسۋ بارىسىندا قازاقستاندىق-ۋكراينالىق قاتىناستاردىڭ قازىرگى جاعدايى مەن ونى ودان ارعى دامۋ كەلەشەكتەرىن تالقىلادى. ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى جانداندىرۋعا, سونداي-اق, حالىقارالىق ۇيىمدار اياسىنداعى ناتيجەلى ءوزارا ءىس-قيمىلعا ەكىجاقتى قىزىعۋشىلىق اتاپ ءوتىلدى», دەلىنگەن حابارلامادا.